Կան ցանկություններ այս կամ այն կողմի մոտ, բայց որևէ պայմանավորվածություն չկա․ Մհեր Գրիգորյանը՝ «Կոմերսանտի» քարտեզի մասին
Civilnet
«Կոմերսանտի» հրապարակած քարտեզը կամ ցանկություն է, կամ ինչ-որ մտածելակերպ, որը որևէ բան չի նշանակում։ Այս մասին այսօր՝ հունվարի 20-ին, կառավարություն-ԱԺ հարցուպատասխանի ժամանակ ասաց փոխվարչապետ Մհեր Գրիգորյանը։ Նրա խոսքով՝ հստակ ուղիների, ենթակառուցվածքների վերաբերյալ նման քննարկում չի եղել։
«Այո, մտքեր փոխանակվել են այդ հարցի շուրջ նաև ռուսական կողմի հետ, բայց ոչ որևէ կոնկրետ ուղղություն։ Դեռ ավելին ասեմ, ավելի շատ քննարկվում է բոլոր ուղղությունների հարցը՝ թե ճանապարհ, թե երկաթգիծ, որտեղ կա կպնելու պոտենցիալ։ Ավելի շատ քննարկվում է այդ տեսանկյունից։ Նախնական տպավորություններ կան և հարցեր են քննարկվել մեծամասամբ ռուսական կողմի հետ, քան կոնկրետ որևէ ուղղություն, առավելևս՝ ենթակառուցվածք»,- ասաց Մհեր Գրիգորյանը։
Նա նշեց, որ քննարկումները նոր պետք է սկսվեն՝ թե ուղիների, թե ենթակառուցվածքների մասով․ «Պարզ է, որ կան ցանկություններ այս կամ այն կողմի մոտ, բայց որևէ պայմանավորվածություն չկա»,- հայտնեց փոխվարչապետը։
Ռուսական «Կոմերսանտը» հրապարակել էր տարածաշրջանում տրանսպորտային միջանցքների և երկաթուղու քարտեզը, որոնց շուրջ հունվարի 11-ին Մոսկվայում համաձայնության են եկել Հայաստանի, Ռուսաստանի և Ադրբեջանի ղեկավարները:
Հակոբ Ասլանյան
Պատմություններ
