ԱՄՆ-ի շահերից է բխում անկախ, ժողովրդավարական և օրենքի երկիր Հայաստանը․ զրույց Արմեն Խարազյանի հետ

Ջո Բայդենը հայության, Միացյալ Նահանգների ժողովրդի և աշխարհի համար շատ լավ լուր է։ Նա վերականգնելու է Միացյալ Նահանգների վարկանիշը․ ՍիվիլՆեթի Ստելլա Մեհրաբեկյանի հետ զրույցում կարծիք հայտնեց ԱՄՆ-ում ՀՀ նախկին փոխդեսպան, քաղաքագետ Արմեն Խարազյանը։ Նրա խոսքով՝ հայ-ամերիկյան հարաբերությունները երբեմն եղել են ավտոպիլոտի, երբեմն՝ դրեյֆի, երբեմն՝ բարձիթողի վիճակում, բայց միշտ ստորադաս վիճակում հայ-ռուսական հարաբերություններին, որը կեղծ սկզբունք է։ Արմեն Խարազյանն անդրադառնում է Արցախի հարցում Վաշինգտոնի ավելի մեծ ներգրավմանը, Թուրքիայի հետ ուղիղ երկխոսելու, ավելի շատ կին դեսպաններ ունենալու կարևորությանը։