Civilnet
Ծախսերը կրճատելու կամ եկամուտները մեծացնելու մեջ չէ Հայաստանի տնտեսության խնդիրը: Այսպիսի տեսակետ հայտնեց Հայ ազգային կոնգրեսի ներկայացուցիչ Վահագն Խաչատրյանը այսօր Սիվիլիթաս հիմնադրամի կազմակերպած քաղաքական բանավեճի ժամանակ:
Հարցադրմանը, թե տնտեսական խնդիրները լուծելու համար պետք է կրճատել ծախսե՞րը, թե՞ ավելացնել եկամուտները, Խաչատրյանը պատասխանեց. «Այդ ձևով մենք խնդիր չենք կարող լուծել Հայաստանում գործող համակարգի պայմաններում:
Ես կողմնակից եմ, որ եկամուտները մեծանան»:
ՀԱԿ ներկայացուցիչը, սակայն, կարծում է, որ դա չպետք է լինի նախընտրական խոստումների ձևով՝ աշխատավարձ բարձրացնել, թոշակ բարձրացնել և այլն, թեև ՀՀ քաղաքացիները դրա կարիքը ունեն:
Հայաստանի տնտեսության զարգացման խոչընդոտը, Խաչատրյանի կարծիքով, ստվերային տնտեսությունն ու կոռուպցիան են: Վրաստանի փորձը կայակոչելով՝ Խաչատրյանը նշեց, որ բարեփոխումներն ու կոռուպցիայի դեմ պայքարը լիովին պետք է համընկնեն:
Սիվիլիթաս հիմնադրամի կազմակերպած բանավեճին այսօր ներկա են մայիսյան խորհրդարանական ընտրություններին մասնակցող ինը քաղաքական ուժերից հինգի՝ Հայ ազգային կոնգրեսի, «Բարգավաճ Հայաստան» կուսակցության, Կոմկուսի, «Միավորված հայեր» և «Ժառանգություն» կուսակցությունների ներկայացուցիչները:
Պատմություններ
