Civilnet
ՀՀ նախկին արտգործնախար, ԲՀԿ անդամ Վարդան Օսկանյանը ընտրացուցակներում տեղ գտած անճշտությունները օրերս որակել էր միտում: Դրան ի պատասխան, ոստիկանությունը հաղորդագրություն է տարածել, որ որևէ միտում չկա, պարզապես տեխնիկական սխալներ են եղել:
Օսկանյանը Ֆեյսբուքի իր էջում հակադարձել է ոստիկանությանը՝ ընտրացուցակների նոր անճշտություններ հրապարակելով:
Նա, մասնավորապես, գրել է. «Ոստիկանությունը արձագանքել է իմ` ընտրացուցակներում տեղ գտած անճշտություններում միտում տեսնելու մասին հայտարարությանը: Ոստիկանության տարածած հաղորդագրությունում բերված են այն երեք անունները, որոնք ես ի միջի այլոց նշել էի իմ հարցազրույցներից մեկի ժամանակ: Ոստիկանությունը, բնականաբար, դրա պատճառն է համարում ավտոմատացված համալիրի պահոցից ընտրողների ռեգիստրին փոխանցման ժամանակ թույլ տրված սխալը:
Ես շարունակում եմ միտում տեսնել այդ անճշտություններում։ Կից նկարը, թերևս, հաստատում է իմ կասկածը: Այն, ինչ կա նկարում, ընդամենը նմուշ է: Խախտումները շատ ավելի շատ են»:
Պատմություններ
