Civilnet
Կարևոր չէ, թե ով է ստորագրել ընտրությունների վերահսկման միասնական շտաբի փաստաթուղթը, կարևոր է, որ բոլոր ուժերը մեկ բան են ցանկանում՝ թափանցիկ և ազատ ընտրություներ: Այսօր այսպիսի հայտարարություն արեց ԲՀԿ առաջնորդ Գագիկ Ծառուկյանը միասնական շտաբի ասուլիսին, որին մասնակցում էին Վարդան Օսկանյանը և ՀՅԴ-ից Վահան Հովհաննիսյանն ու Արմեն Ռուստամյանը:
Արմեն Ռուստամյանը հայտարարեց, թե ամբողջ օրն աշխատել են և արձանագրել բոլոր հնարավոր խախտումները և ավելի ամփոփիչ դա կանեն ընտրությունների ավարտից հետո: «Մեզ մտահոգում է ընտրողների քանակի մասին ներկայացված տվյալներն այս ժամին, քանի որ սա այն թիվն է, որը ամբողջ թիվն էր կազմում նախորդ ընտրություններին: Պետք է հասկանալ՝ ինչով է պայմանավորված այս ակտիվությունը: Տարօրնակ էր նաև ԿԸՀ-ի մեկնաբանությունը անհետացող կնիքների հետ կապված»,- ասաց նա:
Ըստ Ռուստամյանի՝ «ԿԸՀ-ն ծավալուն կերպով փոխեց կնիքներն այնպես, որ հիմա էլ թանաքը չի ցնդում»: «Սա սահմանադրական կոպիտ խախտում է դիտվում: Այս ամենը վերահսկելը ԿԸՀ-ի պարտականությունն է, և պետության գործառույթներն են, իսկ մենք տեսնում ենք , որ նա չի անում, ապա մենք ենք անում»,- ասաց ՀՅԴ ներկայացուցիչը:
Պատմություններ
