Civilnet
ՀՀ նախկին արտգործնախար, ԲՀԿ անդամ Վարդան Օսկանյանը մայիսի 6-ին կայացած ընտրություններում նկատել է ընտրակեղծիքների «նորարարություն»: Ընտրությունների վերահսկման միասնական շտաբի այսօրվա ասուլիսին Օսկանյանը ընտրակեղծիքների նորարարությունը բաժանեց երեք խմբի՝ ուռճացված ցուցակներ, ցնդող կնիքներ և առավոտյան շուտ աննախադեպ զանգվածային քվեարկություն:
Նշենք, որ ընտրությունների վերահսկման միասնական շտաբը՝ ԲՀԿ-ի, ՀՅԴ-ի և ՀԱԿ-ի մասնակցությամբ, այսօր հանդես եկավ հայտարարությամբ՝ նշելով, որ մայիսի 6-ի ընտրություններում ձևավորված խորհրդարանը չի արտացոլում ժողովրդի կամքը:
Հայտարարությունն ընթերցեց Քաղաքագետների միության նախագահ Հմայակ Հովհաննիսյանը: Նա նշեց, որ միասնական շտաբի երեք կուսակցությունները՝ ՀԱԿ-ը, ԲՀԿ-ն և ՀՅԴ-ն արձանագրում են, որ մայիսի 6-ին ընտրություններն անցան համատարած ընտրախախտումներով, որ ԿԸՀ-ն չի ապահովել կրկնակի քվեարկության բացառումը: «Շտաբը արձանագրում է, որ մայիսի 6-ի ընտրություններում ձևավորված խորհրդարանը չի արտացոլում ժողովրդի կամքը»,- ասված է շտաբի հայտարարությունում:
Պատմություններ
