Շինարարություն Նանսենի այգում

«Նանսենի այգում շինարարություն է» -, քաղաքացիների այս ահազանգը արագորեն տարածվեց համացանցով, ինչից հետո բողոքի գրություններ ուղարկվեցին Նոր Նորքի վարչական շրջանի ղեկավարությանը` խնդրելով կանխել այգու տարածքում իրականացվող շինարարական աշխատանքները: Ի պատասխան գրությունների, Նոր Նորքի թաղապետարանից տեղեկացրեցին, որ այգում կառուցվում է Ֆրիտյոֆ Նանսենի անվան թանգարան: Այս պատասխանը, սակայն, չգոհացրեց քաղաքացիներին: Ըստ նրանց, քաղաքում արդեն գույություն ունի մեծ հումանիստի անվան թանգարան, և նրանք անընդունելի են համարում այգու տարածքը որևէ շինարարության տրամադրելը: