Քաղաքացիները չեն հասկանում «ռեյտինգայինը», փորձում ենք հեշտացնել ընտրակարգը․ Վարդանյան

Մեր քաղաքացիները չեն հասկանում «ռեյտինգային» ընտրակարգը։ Խորհրդարանում ընտրակարգի փոփոխության նախագծի քննարկմանը կարծիք հայտնեց «Իմ քայլը» խմբակցության պատգամավոր Վլադիմիր Վարդանյանը։ 

«Շատ դժվար է նրանց բացատրել, որ այդ ընտրությունները լինում է պարզապես մեխանիկական»,- ասաց Վարդանյանը՝ առաջարկելով ուսումնասիրել 2018-ի խորհրդարանական արտահերթ ընտրությունների ժամանակ արձանագրված «4-ի 4-ը» «ֆենոմենը», երբ ընտրություններին 4-րդ քվեաթերթիկով մասնակցած «Իմ քայլը» դաշինքի ցուցակում 4-րդ համարով ներկայացված ռեյտինգային բոլոր թեկնածուները ավելի քան 3000 ձայն էին ստացել։

«Այդ ընտրություններին՝ 4-ի 4-ը արձանագրել է ամենալավ արդյունքները։ Պատճառ՝ գրեթե չկա։ Մենք հիմա փորձում ենք հեշտացնել համակարգը։ Թողնում ենք, որ քաղաքացին ընտրի այն գաղափարը, որը նա ցանկանում է»,- նշեց պատգամավորը։

Վլադիմիր Վարդանյանը նաև ասաց, որ համամասնականի դեպքում քաղաքացու ձայնը չի կորում՝ ի տարբերություն «մեծամասնական-ռեյտինգայինի»։

https://civilnet.am/news/590424/%d5%b4%d5%a1%d6%80%d5%b8%d6%82%d6%84%d5%b5%d5%a1%d5%b6%d5%ab-%d5%af%d5%a1%d6%80%d5%ae%d5%ab%d6%84%d5%b8%d5%be%d5%9d-%d5%ab%d5%b7%d5%ad%d5%a1%d5%b6%d5%b8%d6%82%d5%a9%d5%b5%d5%b8%d6%82%d5%b6%d5%a8-%d6%83%d5%b8%d6%80%d5%b1%d5%b8%d6%82%d5%b4-%d5%a7-%d5%b4%d5%b8%d5%ac%d5%b8%d6%80%d5%a5%d6%81%d5%b6%d5%a5%d5%ac-%d5%be%d5%a5%d5%b6%d5%a5%d5%bf%d5%ab%d5%af%d5%ab-%d5%b0%d5%a1%d5%b6%d5%b1%d5%b6%d5%a1%d5%aa%d5%b8%d5%b2%d5%b8%d5%be%d5%ab%d5%b6/

Խորհրդարանն այսօր արտահերթ նիստով քննարկում է Ընտրական օրենսգրքում ընտրակարգի փոփոխման նախագիծը։ 

Նախագիծը երկու խնդիր է լուծում։ Նախ Ազգային ժողովի ընտրությունները հնարավոր կլինի անցկացնել պարզ համամասնական ընտրակարգով, գործող «ռեյտինգայինի» փոխարեն։ Բացի այդ, նորմեր են ներմուծվել կորոնավիրուսային հիվանդության պայմաններում պատշաճ կազմակերպման և անցկացման համար: Օրինակ՝ ավելացվում է նոր հոդված կարանտին սահմանելու դեպքում քվեարկության կազմակերպման համար։ 

Գևորգ Թոսունյան