Նախիջևանից Գյանջա թռիչք՝ Հայաստանի օդային տարածքով․ Nagorno Karabakh Observer-ի դիտարկումը

Nagorno Karabakh Observer ռազմական վերլուծությունների հարթակը Նախիջևանից Ադրբեջան թռիչքի քարտեզ է հրապարակել, որը ցույց է տալիս՝ այն կատարվել է Հայաստանի օդային տարածքով։

Flyradar24.com կայքի հիման վրա հրապարակված թռիչքներից մեկը ցույց է տալիս, որ «Թուրքական ավիաուղիների» (Turkish Airlines) Airbus օդանավը Նախիջևանից թռել է Գյանջա։

UPDATE - This is a new flight path, the first flight took place 10 days ago, it's a 1h30min (1) flight despite a distance of 183 km, to avoid flying over the "conflict zone" (sic), i.e. new disputed border areas between #Armenia-#Azerbaijan.

1.https://t.co/EjYtQHQwCy pic.twitter.com/fBTWGp1lHK

— Nagorno Karabakh Observer (@NKobserver) May 25, 2021

Nagorno Karabakh Observer-ը նկատում է, որ սա թռիչքի նոր հետագիծ է․ «Առաջին թռիչքը տեղի է ունեցել տասն օր առաջ, դա 1 ժամ 30 րոպե տևող թռիչք է՝ չնայած 183 կմ հեռավորությանը՝ «հակամարտության գոտի», այսինքն՝ Հայաստանի և Ադրբեջանի միջև նոր վիճելի սահմանային շրջաններ մտնելուց խուսափելու համար»:

Հրապարակված մեկ այլ քարտեզով էլ կայքը ցույց է տալիս, որ Ռուսաստանի ռազմաօդային ուժերի An-124 օդանավը նախօրեին Ռուսաստանից Ադրբեջանի օդային տարածքով ժամանել է և հավանաբար վայրէջք կատարել Երևանի «Էրեբունի» օդանավակայանում։ Կայքը գրում է, որ հնարավոր է դա Հայաստանում կամ Արցախում ռուսական զինվորական անձնակազմի տեղափոխում է կամ վերադարձ։

#Russian Air Force An-124 (reg. RA-82010, ICAO 15405A) noted flying yesterday from Russia (unknown origen) to most likely #Armenia's Erebuni airbase passing over #Azerbaijan. Possible transfer or withdrawal related to it's troop garrison in Arm. or #NagornoKarabakh. pic.twitter.com/shG22g70e0

— Nagorno Karabakh Observer (@NKobserver) May 25, 2021