Civilnet
Առողջապահության նախարարությունը տեղեկացնում է, որ Շիրակի մարզի Իսահակյան գյուղի 5 բնակչի մոտ հաստատվել է «սիբիրյան խոց»։ Ավելի վաղ նախարարությունից հայտնել էին, որ Գեղարքունիքի մարզի 3 բնակչի մոտ է հաստատվել հիվանդությունը։
«Շիրակի մարզի Անիի տարածաշրջանի Իսահակյան գյուղում կենդանիների շրջանում «սիբիրյան խոցի» հայտնաբերված դեպքերի առնչությամբ՝ առողջապահության նախարարության հիվանդությունների վերահսկման և կանխարգելման ազգային կենտրոնի կողմից կատարվել է նմուշառում այդ բնակավայրի 7 բնակչից։ Նրանցից 5-ի մոտ հաստատվել է «սիբիրյան խոց» ախտորոշումը»,- ասված է հաղորդագրությունում։
Գերատեսչությունը տեղեկացնում է, որը հիվանդները հոսպիտալացված են Գյումրու ինֆեկցիոն հիվանդանոցում, նրանց վիճակը գնահատվում է միջին ծանրության և թեթև:
«Այսպիսով, հուլիսի 2-ի դրությամբ Գեղարքունիքի և Շիրակի մարզերում, ընդհանուր առմամբ, հաստատվել է սիբիրյան խոցի 8 դեպք: Հիվանդները հոսպիտալացված են Գյումրու ինֆեկցիոն հիվանդանոցում և Մարտունու բժշկական կենտրոնի ինֆեկցիոն բաժանմունքում: Նրանց վիճակը գնահատվում է միջին ծանրության և թեթև, վերջիններս ստանում են անհրաժեշտ բուժում»,- հայտնում է նախարարությունը։
Պատմություններ
