Գնի գաղտնի բարձրացում չի կարող լինել. Արմեն Մովսիսյան

Արմեն Մովսիսյանը վստահեցրել է, որ գնի գաղտնի բարձրացում չի կարող լինել։ Արդյունքները կհայտարարվեն բանակցություններից հետո։ Նա հրաժարվել է պատասխանել հարցին, թե գազի գնի բարձրացում, այնուամենայնիվ, ակնկալվո՞ւմ է, թե՞ ոչ:

Նշենք, սակայն, որ համաձայն ՍիվիլՆեթի աղբյուրների՝ Հայաստանը 1000 խմ գազը ձեռք է բերում արդեն $240-ով։ Պետական եկամուտների կոմիտեի տվյալներով՝ այս տարվա առաջին եռամսյակում Ռուսաստանից ներկրված 1000 խմ բնական գազի մաքսային արժեքը կազմել է $220, այն դեպքում երբ էներգետիկայի նախարարությունը և «ՀայՌուսգազարդը» պնդում են, որ Հայաստանը ռուսական գազը ձեռք է բերում $180/1000 խմ գնով։

ՍիվիլՆեթի աղբյուրների փոխանցմամբ՝ ռուսական գազ գնի բարձրացումը մինչև 2013թ. նախագահական ընտրությունները կառավարությունը սուբսիդավորելու է «Գազպրոմին» փոխանցելով «ՀայՌուսգազարդում» իր մասնաբաժնի 10%-ը, ինչի արդյունքում «Գազպրոմի» մասնաբաժինը ընկերությունում կհասնի 90%-ի։