Մի քանի թիվ դպրոցների մասին

ՍիվիլՆեթն ամփոփում է, թե քանի աշակերտ է դպրոց գնացել, ինչ պատճառներով՝ դուրս մնացել, և ինչ գնահատական է ստացել դպրոցներում 2020-2021 ուսումնական տարում։ 

1. Նախորդ տարի սեպտեմբերին դպրոց է գնացել 399 294 երեխա, որոնցից 39 248-ը՝ առաջին դասարան։ Ամենաշատ առաջին դասարանցի Երևանից հետո ունեն Կոտայքի, Արարատի և Արմավիրի մարզերը։ Ամենաքիչը՝ Վայց ձորը։ Աղբյուր՝ emis.am։ 

2. Հայաստանում 2020-21 ուսումնական տարում դպրոցից հեռացած/ուսումը անավարտ թողած աշակերտների ընդհանուր թիվը 160 է։ Ամենաշատը դուրս են մնացել հետևյալ պատճառներով․

-  64-ին ծնողները թույլ չեն տվել կրթությունը շարունակել․ նման դեպք ամենաշատը գրանցվել է Արմավիրում,

-  48-ը սոցիալ-տնտեսական վատ պայմանների պատճառով է դուրս մնացել․ ամենաշատը՝ Կոտայքում,։

-  Մահացություն՝ 38 երեխա։

3. Աշակերտների 20%-ը` շուրջ 23 000 երեխա, դուրս է մնացել հանրակրթությունից առցանց կրթության պատճառով:
   Կրթության տեսչական մարմնի 2020-ի ստուգումների տարեկան ծրագրում ներառված ինը դպրոցներում իրականացված ստուգումների ընթացքում տրվել են գրավոր աշխատանքներ «Հայոց լեզու», «Մաթեմատիկա», «Ինֆորմատիկա» առարկաներից։

4. «Հայոց լեզու» առարկայի թելադրության միջին գնահատականը կազմել է 10-ից 5 միավոր։ 1 004 սովորողից անբավարար է գնահատվել 35%-ը, գերազանց՝ 11%-ը։

5. «Մաթեմատիկա» առարկայի գրավոր աշխատանքի միջին գնահատականը կազմել է 4 միավոր։ 959 սովորողներից անբավարար է գնահատվել 47%-ը, գերազանց՝ 5%-ը։ 

6. 2019-ի համամատ միջին գնահատկանը 2020-ին նվազել է թե՛ «Հայոց լեզու», թե՛ «Մաթեմատիկա» առարկայի գրավոր աշխատանքի դեպքում: «Հայոց լեզու» առարկայի թելադրության միջին գնահատականը 2018-ին կազմել է 4,9, 2019-ին՝ 5,8, 2020-ին՝ 5 միավոր։ «Մաթեմատիկա» առարկայի գրավոր աշխատանքի միջին գնահատականը 2018-ին կազմել է 3,8, 2019-ին՝ 4.4, 2020-ին՝ 4 միավոր։

7. Պաշտոնական վիճակագրությամբ՝ Հայաստանում գրագիտության մակարդակը 99% է։ Սակայն, ըստ տարբեր հաշվարկների, հանրապետությունում սովորողների առնվազն 20%-ը վերջին 17 տարիներին դժվարությամբ է համապատասխանել (կամ առհասարակ չի համապատասխանել) ֆունկցիոնալ գրագիտության չափանիշներին։ 

1978-ին ՅՈՒՆԵՍԿՕ-ն սահմանել է, որ մարդը ֆունկցիոնալ առումով անգրագետ է, եթե չի կարողանում մասնակից լինել բոլոր այն գործողություններին, որոնք իր խմբի կամ համայնքի արդյունավետ գործունեության համար գրագիտություն են պահանջում, և որոնք նրան հնարավորություն կտային կարդալու, գրելու և հաշվելու հմտություններն օգտագործել հանուն իր և համայնքի զարգացման: (Աղբյուր՝ evnreport.com):