Վրաստանի վարչապետը ժամանել է Երևան

Վարչապետ Նիկոլ Փաշինյանը հոկտեմբերի 9-ին հանդիպել է աշխատանքային այցով Հայաստան ժամանած Վրաստանի վարչապետ Իրակլի Ղարիբաշվիլիին:

«Ողջունելով վրաց գործընկերոջը՝ ՀՀ վարչապետը ևս մեկ անգամ ցավակցություն է հայտնել Բաթում քաղաքում տեղի ունեցած ողբերգական դեպքի կապակցությամբ և զորակցություն հայտնել Վրաստանի կառավարությանը, վրաց ժողովրդին: Նիկոլ Փաշինյանը շնորհակալություն է հայտնել Իրակլի Ղարիբաշվիլիին, որ չնայած այդ արտակարգ իրավիճակին՝ չի չեղարկել իր այցը Հայաստան:

Վրաստանի վարչապետը շնորհակալություն է հայտնել ՀՀ վարչապետին զորակցության խոսքերի համար:

Նիկոլ Փաշինյանը և Իրակլի Ղարիբաշվիլին արձանագրել են, որ երկկողմ բարձրաստիճան ինտենսիվ շփումները վկայում են հայ-վրացական հարաբերությունների դինամիկ զարգացման և քաղաքական երկխոսության բարձր մակարդակի մասին:

Զրուցակիցները քննարկել են Հայաստան-Վրաստան համագործակցության օրակարգը և հեռանկարները: Մտքեր են փոխանակվել տարածաշրջանային իրավիճակի և զարգացումների շուրջ: Կողմերը վերահաստատել են բարեկամական կապերը հետևողականորեն խորացնելու պատրաստակամությունը և պայմանավորվել շարունակել ակտիվ երկխոսությունը»,- ասված է վարչապետի գրասենյակի տարածած հաղորդագրությունում։

***

Մեկ ամիս առաջ՝ սեպտեմբերի 8-ին, երկօրյա պաշտոնական այցով Թբիլիսի էր մեկնել Նիկոլ Փաշինյանի գլխավորած պատվիրակությունը։

Հետպատերազմյան շրջանում Թբիլիսին փորձում է ակտիվ դեր խաղալ Բաքվի ու Երևանի միջև՝ հայտարարելով, որ ուզում է նպաստել Հայաստանի ու Ադրբեջանի միջև հարաբերությունների կարգավորմանը։

Սեպտեմբերի 29-ին Ղարիբաշվիլին մեկնել էր Բաքու։ Այցից առաջ նա հայտարարել էր, որ կկարողանա իր ողջ էներգիան ներդնել Երևանի և Բաքվի միջև հարաբերությունների կարգավորման գործում։

Կարդացե՛ք նաև՝

https://civilnet.am/news/633243/%D5%A7%D6%80%D5%A4%D5%B8%D5%B2%D5%A1%D5%B6%D5%A8-%D5%B0%D5%A1%D5%B5%D5%BF%D5%A1%D6%80%D5%A1%D6%80%D5%A5%D5%AC-%D5%A7-%D5%B8%D6%80-%D6%83%D5%A1%D5%B7%D5%AB%D5%B6%D5%B5%D5%A1%D5%B6%D5%A8-%D5%BE%D6%80%D5%A1%D5%BD%D5%BF%D5%A1%D5%B6%D5%AB-%D5%BE%D5%A1%D6%80%D5%B9%D5%A1%D5%BA%D5%A5%D5%BF%D5%AB-%D5%B4%D5%AB%D5%BB%D5%B8%D6%81%D5%B8%D5%BE-%D5%B0%D5%A1%D5%B6%D5%A4%D5%AB%D5%BA%D5%A5%D5%AC%D5%B8%D6%82-%D5%A1%D5%BC%D5%A1%D5%BB%D5%A1%D6%80%D5%AF-%D5%A7-%D6%83%D5%B8%D5%AD%D5%A1%D5%B6%D6%81%D5%A5%D5%AC/ https://civilnet.am/news/635573/%d5%b1%d6%87%d5%a1%d5%b9%d5%a1%d6%83%d5%a5%d6%80%d5%ab-%d5%ba%d5%a1%d5%b5%d6%84%d5%a1%d6%80%d5%b6-%d5%b8%d6%82-%d5%bf%d5%a1%d6%80%d5%a1%d5%ae%d5%a1%d5%b7%d6%80%d5%bb%d5%a1%d5%b6%d5%a1%d5%b5%d5%ab%d5%b6-%d5%be%d5%a5%d6%80%d5%a1%d5%a4%d5%a1%d5%bd%d5%a1%d5%be%d5%b8%d6%80%d5%b8%d6%82%d5%b4%d5%b6%d5%a5%d6%80%d5%a8/