Civilnet
«Այն փոքրաթիվ բժիշկները, որոնք հակապատվաստումային քարոզ են տանում, շատ ակտիվ են, նրանք օրուգիշեր զբաղված են այդ վնասարարաությամբ»․ կառավարության նոյեմբերի 4-ի նիստից հետո լրագրողների հետ զրույցում նշեց ՀՀ առողջապահության նախարար Անահիտ Ավանեսյանը։
Ըստ Ավանեսյանի՝ բժիշկը չի կարող հակագիտական, հակապատվաստումային գործողություններ իրականացնել։
«Բժիշկների լիցենզավորման ինստիտուտի հետ կապված մենք լուրջ պլաններ ունենք, այն ընդգրկված է նաև Կառավարության ծրագրի մեջ, պատրաստվում ենք առաջիկայում լայնածավալ նախապատրաստական աշխատանքներ տանել և հետագայում, երբ ունենանք այս ինստիտուտը, չի կարող բժիշկը շարունակել պահպանել իր լիցենզիան, եթե նման գործունեությամբ է զբաղվում»։
Նախարարի խոսքով՝ մի քանի բժշկական հաստատություններ նման վարքագիծ դրսևորելու համար բժիշկներին աշխատանքից ազատել են։
Անահիտ Ավանեսյանը ճեպազրույցի ընթացքում խոսեց նաև կորանավիրուսով պայամանվորված հնարավոր նոր սահմանափակումների մասին՝ նշելով, որ իրենք առաջարկելու են դեկտմբերի 1-ից աշխատավայրերում ներկայացվող ՊՇՌ բացասական թեստերի պատասխանների համար 14-օրյա ժամկետը փոխել 7-օրյայով։
«Այլ առաջարկները ևս ներկայացված են, դրանք կքննարկվեն գերատեսչական հանձնաժողովի կողմից»,- տեղեկացրեց առողջապահության նախարարը՝ ավելացնելով, որ իրենք բանակցություններ են տանում իրենց գործընկերների հետ պատվաստանյութերի նոր խմբաքանակ գնելու համար։
Պատմություններ
