Հայաստանում կորոնավիրուսի դեմ ամբողջությամբ պատվաստվել է կես միլիոնից ավելի մարդ

COVID-19-ի դեմ պատվաստումների մեկնարկից ի վեր դեկտեմբերի 6-ի դրությամբ` կատարվել է 1 352 805 պատվաստում, առաջին դեղաչափ` 835 816, երկրորդ դեղաչափ` 516 989, հաղորդում է առողջապահության նախարարությունը։

Հայաստանում պատվաստումներ իրականացվում են «ԱստրաԶենեկա», «Սպուտնիկ-Վի», «Սինոֆարմ» և «Մոդեռնա» պատվաստանյութերով։ Կարող են պատվաստվել 12 և բարձր տարիքի անձինք՝ ըստ դիմելիության, կամավորության սկզբունքով։

«Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին. շաբաթ և կիրակի սահմանվել են հերթապահություններ՝ ժամը 10։00-16։00-ը։ Նախապես պետք է զանգահարել նախընտրած պոլիկլինիկա` անկախ կցագրումից, և գրանցվել պատվաստման համար։ Կարող են պատվաստվել նաև օտարերկրյա քաղաքացիները: Պատվաստումներն անվճար են»,- հայտնում են նախարարությունից։

https://civilnet.am/news/641722/%d5%a5%d6%80%d5%af%d6%80%d5%b8%d6%80%d5%a4-%d5%a4%d5%a5%d5%b2%d5%a1%d5%b9%d5%a1%d6%83%d5%ab%d6%81-6-%d5%a1%d5%b4%d5%ab%d5%bd-%d5%a1%d5%b6%d6%81-%d5%b0%d5%b6%d5%a1%d6%80%d5%a1%d5%be%d5%b8%d6%80-%d5%a7-%d5%bd%d5%bf%d5%a1%d5%b6%d5%a1%d5%ac-%d5%ad%d5%a9%d5%a1%d5%b6%d5%ab%d5%b9-%d5%a2%d5%b8%d6%82%d5%bd%d5%bf%d5%a5%d6%80-%d5%a4%d5%a5%d5%b2%d5%a1%d5%b9%d5%a1%d6%83%d5%b8%d5%be-%d5%ba%d5%a1%d5%bf%d5%be%d5%a1%d5%bd%d5%bf%d5%b8%d6%82%d5%b4/