Հաստատվել է կորոնավիրուսի 7 նոր դեպք, դրական է թեստերի 0,3 տոկոսը

Հայաստանում ապրիլի 3-ին կատարվել է 2 048 թեստավորում, որից հաստատվել է կորոնավիրուսի 7 նոր դեպք, այսինքն, դրական է թեստերի 0,3 տոկոսը։ Այս մասին տեղեկացնում է առողջապահության նախարարությունը։

Առողջացել է 18 մարդ։ Մահվան դեպք չի գրանցվել։

Ապրիլի 4-ի ժամը 11:00-ի դրությամբ` հաստատվել է կորոնավիրուսային հիվանդության ընդհանուր 422 581 դեպք, որոնցից 410 124-ը` առողջացած: Ընդհանուր առմամբ, կատարվել է 2 983 263 թեստավորում: Փաստացի բուժում է ստանում 2 162 մարդ։

Ընդհանուր առմամբ, կորոնավիրուսի հետևանքով 8 617 մահվան դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1 678 է:

Ըստ Worldometer առցանց թարմացվող կայքի տվյալների՝ կորոնավիրուսի ցուցանիշներով աշխարհի երկրների շարքում Հայաստանը զբաղեցնում է 90-րդ տեղը՝ 422 581 դեպքով։ Վրաստանը գտնվում է 46-րդ տեղում՝ 1 649 430 դեպքով, Ադրբեջանը 71-րդ տեղում է՝ 792 061 դեպքով, Թուրքիան 8-րդ տեղում է՝ 14 894 731 դեպքով, Իրանը 15-րդ տեղում է՝ 7 167 646 դեպքով։