Փաշինյանը Մինսկի խմբի ԱՄՆ համանախագահի հետ քննարկել է խաղաղության պայմանագրի հնարավորությունը

Վարչապետ Նիկոլ Փաշինյանն ընդունել է ԵԱՀԿ Մինսկի խմբի ԱՄՆ համանախագահ Էնդրյու Շոֆերին, հայտնում է վարչապետի պաշտոնական կայքը։

«Վարչապետը կարևորել է ԱՄՆ դերը որպես ԵԱՀԿ Մինսկի խմբի համանախագահ պետություն և ողջունել Էնդրյու Շոֆերի այցը, ինչը հնարավորություն կտա քննարկել իրավիճակը Լեռնային Ղարաբաղում և այս համատեքստում տեղի ունեցող գործընթացները: Զրուցակիցներն ընդգծել են ԵԱՀԿ Մինսկի խմբի համանախագահության դերը ԼՂ հակամարտության համապարփակ կարգավորման գործում»,- ասված է հաղորդագրությունում։

Փաշինյանն ու Շոֆերը անդրադարձել են հումանիտար խնդիրներին, ինչպես նաև խաղաղության պայմանագրի շուրջ Ադրբեջանի հետ բանակցություններ սկսելու հնարավորությանը․ «Այս առումով, ՀՀ վարչապետը շեշտել է ԵԱՀԿ ՄԽ համանախագահության և համանախագահ երկրների միջնորդական դերը»։

https://civilnet.am/news/658233/%d5%b4%d5%ab%d6%80%d5%a6%d5%b8%d5%b5%d5%a1%d5%b6%d5%b6-%d5%a8%d5%b6%d5%a4%d5%b8%d6%82%d5%b6%d5%a5%d5%ac-%d5%a7-%d5%a5%d5%a1%d5%b0%d5%af-%d5%b4%d5%ab%d5%b6%d5%bd%d5%af%d5%ab-%d5%ad%d5%b4%d5%a2%d5%ab-%d5%a1%d5%b4%d5%b6-%d5%b0%d5%a1%d5%b4%d5%a1%d5%b6%d5%a1%d5%ad%d5%a1%d5%a3%d5%a1%d5%b0%d5%ab%d5%b6/