Ռուսաստանը Հայաստանի համար կպահպանի գազի արտոնյալ գնագոյացումը

Հայաստանի վարչապետ Նիկոլ Փաշինյանի՝ Ռուսաստան պաշտոնական այցի ընթացքում պայմանավորվածություն է ձեռք բերվել պահպանել Հայաստանի  համար գազի արտոնյալ գնագոյացումը։  Այս մասին «ՌԻԱ Նովոստի»-ի հետ հարցազրույցում ասել է Ռուսաստանի ԱԳՆ ԱՊՀ երկրների չորրորդ դեպարտամենտի տնօրեն Դենիս Գոնչարը։

«ՀՀ վարչապետի այցի շրջանակում ստորագրվել է փաստաթղթերի պատկառելի փաթեթ, այդ թվում՝ էներգետիկայի ոլորտում համագործակցության վերաբերյալ։ Ռուսական և հայկական համապատասխան գերատեսչություններն արդեն ձեռնամուխ են եղել պայմանավորվածությունների իրականացմանը։ Պայմանավորվել ենք մեր հայ բարեկամների համար պահպանել գազի արտոնյալ գնագոյացումը»,- ասել է Գոնչարը:

Նրա խոսքով՝ Հայաստանի էկոնոմիկայի նախարարի և վարչապետի այցերի ընթացքում պայմանավորվածություն է ձեռք բերվել նաև երկկողմ առևտրի շրջանակներում ազգային արժույթների օգտագործումն ընդլայնելու մասին․ «Երևանն արդեն սկսել է գազի դիմաց վճարել ռուբլով»,- ասել է նա։

https://civilnet.am/news/657973/%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%a8-%d5%bc%d5%b8%d6%82%d5%bd%d5%a1%d5%af%d5%a1%d5%b6-%d5%a3%d5%a1%d5%a6%d5%ab-%d5%a4%d5%ab%d5%b4%d5%a1%d6%81-%d5%bd%d5%af%d5%bd%d5%a5%d5%ac-%d5%a7-%d5%be%d5%b3%d5%a1%d6%80%d5%a5%d5%ac-%d5%bc%d5%b8%d6%82%d5%a2%d5%ac%d5%b8%d5%be%e2%80%a4-%d6%84%d5%a5%d6%80%d5%b8%d5%a2%d5%b5%d5%a1%d5%b6/