Civilnet
Հայաստանի նախագահ Վահագն Խաչատուրյանն այսօր` մայիսի 30-ին, պաշտոնական այցով ժամանել է Վրաստան, հայտնում են նախագահի աշխատակազմից։
Թբիլիսիի «Շոթա Ռուսթավելի» միջազգային օդանավակայանում Վահագն Խաչատուրյանին դիմավորել է Վրաստանի էկոնոմիկայի և կայուն զարգացման նախարար Լևան Դավիթաշվիլին և փոխարտգործնախարար Լաշա Դարսալիան։
Այցի շրջանակում նախատեսված է Հայաստանի նախագահ Վահագն Խաչատուրյանի առանձնազրույցը Վրաստանի նախագահ Սալոմե Զուրաբիշվիլիի հետ, որին կհաջորդի հանդիպումն ընդլայնված կազմով:
Նախագահ հանդիպումներ կունենա նաև Վրաստանի վարչապետ Իրակլի Ղարիբաշվիլիի, Վրաստանի խորհրդարանի նախագահ Շալվա Պապուաշվիլիի հետ:
Այցի շրջանակում նախագահ Վահագն Խաչատուրյանին կհյուրընկալի համայն Վրաստանի կաթողիկոս-պատրիարք Իլյա Երկրորդը։
Պատմություններ
