Civilnet
Հայաստանի առևտրային բանկերը ռուսական «Միր» վճարային համակարգի սպասարկման հետ կապված որոշումն ինքնուրույն կկայացնեն։ Այդ մասին ՍիվիլՆեթին հայտնեցին ՀՀ Կենտրոնական բանկից՝ անդրադառնալով «Միր» քարտերի սպասարկումը Հայաստանում դադարեցնելու հարցին։
«ՀՀ առևտրային բանկերն ինքնուրույն են կառավարում իրենց ռիսկերը, այդ թվում՝ պատժամիջոցների հետ կապված։ Ինչ վերաբերում է հաճախորդների սպասարկմանը, ապա առևտրային բանկերն իրենց սպասարկման պայմաններում փոփոխությունների դեպքում պատշաճ կտեղեկացնեն հաճախորդներին»,- ասված է ԿԲ մեկնաբանությունում:
Լրատվամիջոցներում տեղեկություններ են շրջանառվում, որ սեպտեմբերի 21-ից «Միր» վճարային քարտերի սպասարկումը Հայաստանում դադարեցվել է։ Մասնավորապես, քարտապանները չեն կարողանում բանկոմատներից գումար կանխիկացնել։
Վերջին օրերին ռուսական ազգային «Միր» վճարային համակարգի սպասարկումից հրաժարվել են նաև Թուրքիան, Ղազախստանը և Վիետնամը։
Ըստ մասնագետների՝ երկրները հրաժարվում են ռուսական համակարգի հետ համագործակցությունից՝ ԱՄՆ պատժամիջոցների մտավախության պատճառով:
Պատմություններ
