Civilnet
19:00-ի դրությամբ փոխհրաձգության ինտենսիվությունը Տեղ գյուղի հատվածում էականորեն նվազել է, տեղեկացնում է ՊՆ մամուլի քարտուղար Արամ Թորոսյանը։
Նրա խոսքով՝ Վարդենիսի ուղղությամբ այս պահին գնդակոծության մասին լուրերը չեն համապատասխանում իրականությանը, նշված ուղղությամբ այս պահի դրությամբ հարաբերականորեն կայուն է:
«Ադրբեջանական լրատվամիջոցներով տարածվող տեղեկություններն այն մասին, թե իբր հայկական կողմը կիրառում է իրանական անօդաչու թռչող սարքեր, չի համապատասխանում իրականությանը. ՀՀ ԶՈւ սպառազինության մեջ իրանական անօդաչու թռչող սարքեր չկան: Հորդորում ենք չճշտված տեղեկություններ չհրապարակել, հետևել բացառապես պաշտոնական լրահոսին: Պաշտպանության նախարարությունը հանդես կգա իրադրության վերաբերյալ պաշտոնական հաղորդագրություններով»,- հայտնել է Թորոսյանը։
***
Ավելի վաղ ՊՆ խոսնակը հաղորդել էր, որ ժամը 16:00-ի սահմաններում, ադրբեջանական ստորաբաժանումները կրակ են բացել Տեղ համայնքի ուղղությամբ ինժեներական աշխատանքներ իրականացնող հայ զինծառայողների ուղղությամբ: Նախնական տվյալներով հայկական կողմն ունի զոհեր և վիրավորներ:
Ժամը 17:30-ի սահմաններում նույն Տեղ գյուղի ուղղությամբ ադրբեջանական ստորաբաժանումները կիրառել են ականանետային միջոցներ։
https://civilnet.am/news/697109/%d5%bf%d5%a5%d5%b2-%d5%a3%d5%b5%d5%b8%d6%82%d5%b2%d5%ab-%d5%bd%d5%a1%d5%b0%d5%b4%d5%a1%d5%b6%d5%a1%d5%b4%d5%a5%d6%80%d5%b1-%d5%b0%d5%a1%d5%bf%d5%be%d5%a1%d5%ae%d5%b8%d6%82%d5%b4-%d6%83%d5%b8%d5%ad%d5%b0%d6%80%d5%a1%d5%b1%d5%a3%d5%b8%d6%82%d5%a9%d5%b5%d5%b8%d6%82%d5%b6-%d5%a7-%d5%a5%d5%b2%d5%a5%d5%ac-%d5%af%d5%a1-%d5%a6%d5%b8%d5%b0%e2%80%a4-%d5%b0%d5%a1%d5%b5%d5%af%d5%a1%d5%af%d5%a1%d5%b6-%d5%aa%d5%a1%d5%b4%d5%a1%d5%b6%d5%a1%d5%af/
Պատմություններ
