Civilnet
Տարածաշրջանում անվտանգության ու կայունության համակարգերը դեֆորմացվել են և դեֆորմացվում են, մայիսի 3-ին խորհրդարանում պատգամավորների հետ հարցուպատասխանի ժամանակ հայտարարեց վարչապետ Նիկոլ Փաշինյանը։
«Կարող է և պետք է անվտանգային ճարտարապետությանը նոր կոմպոնենտներ ավելացնել, բայց փաստ չէ, որ դրանով ինքնին ռազմավարական անվտանգությունը կապահովվի։ Դա կարող է նոր ռիսկեր առաջացնել, բայց կարող է նաև որոշ ռիսկեր կառավարել»,- ասաց Փաշինյանը։
Նա միանշանակ պատասխան ունի՝ տարածաշրջանում անվտանգություն կարող է ապահովել համապարփակ խաղաղությունը։ Խաղաղությունը հնարավոր է, ըստ Փաշինյանի, պետք է դետալացված արձանագրել՝ ինչպես է պետք հասնել խաղաղությանը. «Խնդիրը հետևյալն է՝ ինչքանով մեզ կհաջողվի բանակցային գործընթացի արդյունքում ձևավորել այնպիսի պարամետրեր, որոնք կարող են լինել ՀՀ-ի կամ ՀՀ ժողովրդի համար ընդունելի»,- ասաց նա։
Փաշինյանը Հայաստանի անվտանգային միջավայրը նաև պատկերավոր ներկայացրեց՝ ասելով, որ «քայլում ենք ականապատ դաշտի միջով, բայց որքան քայլում ենք, այդքան ականները խտանում են»։
Պատմություններ
