Հայաստանի հավաքականը երկրորդ անընդմեջ հաղթանակը տոնեց՝ առավելության հասնելով Լատվիայի նկատմամբ

«Եվրո-2024»-ի որակավորման փուլի շրջանակում Հայաստանի ֆուտբոլի հավաքականը լարված խաղում 2:1 հաշվով հաղթեց Լատվիայի ընտրանուն:

35-րդ րոպեին հանդիպմանը հաշիվը բացեց Նաիր Տիկնիզյանը։ Երկրորդ խաղակեսի միջնամասում Լատվիայի հավաքականին հաջողվեց հավասարեցնել խաղի հաշիվը։ Հայաստանի հավաքականը հաշվի մեջ առաջ անցավ միայն ավելացված ժամանակում՝ 90+1 րոպեին։ Հաղթական գալը 11 մետրանոցից հեղինակեց Տիգրան Բարսեղյանը։

Երկրորդ անընդմեջ հաղթանակից հետո D խմբում Հայաստանի հավաքականը վաստակած 6 միավորով երկրորդ տեղում է։

Հունիսի 16-ին Հայաստանի ընտրանին 4:2 հաշվով հաղթել է Ուելսին։