Մասիսում «Թումո» կենտրոն կկառուցվի

Մասիս քաղաքում կհիմնվի «Թումո» ստեղծարար կենտրոն։ Կառավարության հուլիսի 20-ի նիստում գործադիրը հավանություն տվեց այս որոշմանը։ 

«Թումո»-ն ներկայացնող «Սիմոնյան» կրթական հիմնադրամին կօտարվի 7 080 քառակուսի մետր մակերեսով տարածք։ 

Այն գտնվում է Մասիսի Հանրապետության փողոց 73/6 հասցեում։ Հիմնադրամը պարտավորվել է 3 տարվա ընթացքում ներդնել առնվազն 400 մլն դրամ գումար «Թումո ստեղծարար տեխնոլոգիաների կենտրոն տեխնոլոգիանների կենտրոններ» բարեգործական ծրագրի շրջանակում կառուցելու կենտրոնը: 

Ըստ ծրագրի՝ նշված կենտրոնը կառուցվելու է անհրաժեշտ տեխնիկական հագեցվածությամբ, որը թույլ կտա 2 300 աշակերտի ուսուցում: