Civilnet
Բնագիտական առարկաներ դասավանդող ուսուցիչները 25 տոկոս հավելավճար կստանան, հայտնում է կրթության, գիտության, մշակույթի և սպորտի (ԿԳՄՍ) նախարարությունը։
«ԿԳՄՍ նախարարի հրամանով հաստատվել է պետական հանրակրթական բոլոր ուսումնական հաստատություններում ԲՏՃՄ ոլորտի (բացառությամբ մաթեմատիկական առարկաների) դասավանդող ուսուցիչների համար վարձատրության բարձրացված հստակ չափաքանակի սահմանման կարգը։ Համաձայն կարգի՝ պետական հանրակրթական բոլոր ուսումնական հաստատություններում «Աշխարհագրություն», «Բնագիտություն», «Կենսաբանություն», «Քիմիա», «Ֆիզիկա», «Ինֆորմատիկա» առարկաներ դասավանդող ուսուցիչներին կտրվի լրավճար՝ դրույքաչափի 25 տոկոսի չափով»,- ասված է հաղորդագրությունում։
Բնագիտական առարկաներ դասավանդող ուսուցիչներին տրվող հավելյալ վարձատրությունը, ըստ նախարարության՝ պայմանավորված է դպրոցներում բնագիտական և տեխնոլոգիական ուղղություններով ուսուցիչների ներգրավման կարևորությամբ:
Հավելավճարի կարգը կգործի 2023-ի սեպտեմբերի 1-ից և կտարածվի պետական հանրակրթական բոլոր հաստատությունների վրա։
Պատմություններ
