Արցախ․ Սեպտեմբերի մեկ՝ առանց դպրոցական պարագաների

Արցախի գրախանութները, ինչպես և մյուս խանութները, դատարկ են․ շրջափակման պատճառով չկան նույնիսկ սովորական տետրեր, գրիչներ, պայուսակներ։ Նաև դպրոցական հագուստ-կոշիկ գտնելն է անհնար։ Նոր դասագրքրեր էլ չեն լինի։ Տիրուհի Անտոնյանն իր յոթամյա տղայի համար ոչինչ չի կարողացել գտնել․ օգտագործելու են նախորդ տարվանից մնացած մի քանի տետրը, պայուսակը, նկարչական ալբոմն էլ ինքն է փորձելու պատրաստել։ Հայ կրթական հիմնարկության ֆինանսավորմամբ Արցախում սկսվել է դպրոցական պայուսակների արտադրություն, բայց այն քիչ քանակով է լինելու, քանի որ արտադրամասի  պահեստում եղած վերջին հումքով է պատրաստվում։