Civilnet
Ադրբեջանը Իրանին հայտնել է, որ Հայաստանի դեմ ռազմական հարձակում իրականացնելու մտադրություն չունի։ Այդ մասին սեպտեմբերի 11-ին կայացած ասուլիսում ասել է Իրանի արտաքին գործերի նախարարության խոսնակ Նասեր Քանանին, փոխանցում է IRNA գործակալությունը։
«Մենք կապի մեջ ենք Ադրբեջանի և Հայաստանի իշխանությունների հետ։ Հայաստանի իշխանություններն իրենց մտահոգությունն են հայտնել Ադրբեջանի կողմից նոր ռազմական հակամարտության հնարավորության վերաբերյալ։ Սակայն Բաքվի իշխանությունները մեզ հաղորդագրություն են ուղարկել, ըստ որի բովանդակության՝ իրենք մտադիր չեն ռազմական հարձակումներ իրականացնել, իսկ զորքերի վերջին տեղաշարժերը սովորական ռազմական գործողություն է, որն իրականացվում է ձմռան շեմին, քանի որ տեղաշարժը լեռնային տարածքներով դառնում են դժվար»,- ասել է խոսնակը:
Քանանին նաև ասել է, որ Թեհրանը զգայուն է հյուսիսային հարևանների հետ իր ընդհանուր սահմանների անվտանգության հարցում․ «Հաստատում ենք, որ Իրանի սահմաններն ապահով են, և մենք շարունակում ենք ուշադիր հետևել Կովկասի զարգացումներին»:
Պատմություններ
