Civilnet
Թեհրանը համաձայնել է Թավրիզում Հայաստանի գլխավոր հյուպատոսության բացմանը, հայտարարել է Իրանի արտգործնախարար Հոսեյն Ամիր Աբդոլլահիանը դեկտեմբերի 27-ին Երևանում հայաստանցի իր պաշտոնակից Արարատ Միրզոյանի հետ մամուլի ասուլիսին։
«Հուսով ենք՝ նոր տարվա առաջին շաբաթների ընթացքում իմ գործընկերոջ հետ կլինենք Թավրիզի գլխավոր հյուպատոսության պաշտոնական բացման արարողությանը»,- նշել է իրանցի դիվանագետը՝ կարևորելով նախորդ տարի Կապանում Իրանի գլխավոր հյուպատոսության բացման փաստը։
Աբդոլլահիանը վերահաստատել է, որ Թեհրանը սատարում է Հայաստանի տարածքային ամբողջականությանն ու ինքնիշխանությանը։ Նրա խոսքով՝ Իրանը ցանկանում է, որ տարածաշրջանում խաղաղությունն ու կայունությունը ապահովվի առանց արտաքին ուժերի միջամտության:
2022-ի հոկտեմբերի 21-ին Կապանում բացվել է Իրանի գլխավոր հյուպատոսություն։ Արարողությանը ներկա է եղել նաև Իրանի արտգործնախարար Հոսեյն Ամիր Աբդոլլահիանը։ Իրանի կառավարությունը Կապանում հյուպատոսության ստեղծման մասին որոշումն ընդունել էր 2021-ի դեկտեմբերին։
Պատմություններ
