«Լիդիան Արմենիան» իր բաժնետոմսերի 12,5 տոկոսը կնվիրաբերի Կառավարությանը
Civilnet
Ամուլսարի հանքավայրը շահագործող «Լիդիան Արմենիա» ընկերությունը Հայաստանի կառավարությանն է նվիրաբերել իր բաժնետոմսերի 12,5 տոկոսը։ Համապատասխան որոշումը կայացվեց կառավարության հունվարի 18-ի նիստում։
Կառավարությանը բաժնեմասի նվիրատվությունը ֆիքսված էր «Լիդիան Արմենիա»-ի, էկոնոմիկայի նախարարության ու Եվրասիական զարգացման բանկի միջև անցյալ տարի կնքված հուշագրով։
Էկոնոմիկայի փոխնախարար Անի Իսպիրյանի խոսքով՝ «Լիդիան Արմենիա»-ն հանքի շահագործման համար ներդնելու է 250 միլիոն դոլար, ինչպես նաև շինարարության ընթացքում բնապահպանական հարկից ազդակիր համայնքներին վճարել է 7 միլիոն դոլարի չափով տարեկան աջակցություն։
12,5 տոկոս բաժնետոմսերի կառավարումն իրականացնելու է էկոնոմիկայի նախարարությունը։
«Ամուլսարի ոսկու հանքի շահագործումն այս մոդելով մեր մտահոգությունները փարատում է և լրացուցիչ խթան կլինի տնտեսական աճի համար»,- հայտարարել է վարչապետ Նիկոլ Փաշինյանը։
Պատմություններ
