Ալիևի հաղթանակը ընտրություններում՝ ավելի քան 90 տոկոս ձայներով

Ադրբեջանի նախագահական ընտրություններում Ադրբեջանի գործող նախագահ Իլհամ Ալիևը, ինչպես շատերը կարող էին ակնկալել, հաղթել է՝ հավաքելով շուրջ 92,5% ձայն․ այս տվյալները հայտնել է այդ երկրի կենտրոնական ընտրական կոմիտեի նախագահ Մազահիր Փանահովը։ Ալիևը նախագահի պաշտոնին վերընտրվել է հինգերորդ անգամ՝ յոթ տարի ժամկետով։

Ալիևի վեց մրցակիցներից յուրաքանչյուրը հավաքել է մոտավորապես երկու և դրանից քիչ տոկոս։ Ամենաշատ ձայները հավաքել են Ադրբեջանի խորհրդարանի պատգամավորներ Զահիդ Օրուջը (2,19%) և Ֆազիլ Մուստաֆան (2%): Մրցակիցներից մի քանիսն արդեն շնորհավորել են Ալիևին հաղթանակի կապակցությամբ։

Երկրների առաջնորդներից Ալիևին շնորհավորանքներ են հղել Ռուսաստանի, Թուրքիայի, Չինաստանի, Բելառուսի, Սերբիայի, Ղազախստանի, Ուզբեկստանի, Սերբիայի, Հունգարիայի ղեկավարներն ու այլ պաշտոնյաներ։

Ադրբեջանում նախագահական ընտրությունները կայացել են փետրվարի 7-ին։ Նախորդ անգամ այդ երկրում համապետական ընտրություններն անցկացվել են 2018-ին, որոնց ժամանակ Ադրբեջանը նախագահը հավաքել էր շուրջ 86% ձայն։