Civilnet
Եվրոպական խորհրդի նախագահ Շառլ Միշելը շնորհավորել է Ադրբեջանի նախագահ Իլհամ Ալիևին վերընտրվելու կապակցությամբ։
X-ի իր էջում Միշելը գրել է․
«Շնորհավորեցի Ադրբեջանի նախագահ Ալիևին վերընտրվելու կապակցությամբ և փոխանցեցի լավագույն ցանկություններս պաշտոնավարման նոր ժամկետում։ Ընդգծեցի ԵԱՀԿ ԺՀՄԻԳ-ի շարունակական աշխատանքի կարևորությունը։
Քննարկեցի նաև ԵՄ-Ադրբեջան հարաբերություններն ու համագործակցությունը, այդ թվում հաղորդակցությունն ու էներգետիկան։
Բովանդակային քննարկումներ ունեցա նաև Ադրբեջան-Հայաստան հարաբերությունների կարգավորման շուրջ։ Ողջունում ենք Ադրբեջանի հանձնառությունը վերսկսելու բրյուսելյան գործընթացի եռակողմ հանդիպումը՝ հանուն կայուն և բարգավաճ Հարավային Կովկասի առաջխաղացման»:
Congratulated @presidentaz Aliyev on his reelection & extended best wishes for his new mandate. Underlined the importance of continued engagement with @osce_odihr.
— Charles Michel (@CharlesMichel) February 8, 2024
Discussed also ???? relations & cooperation, including connectivity & energy.
Had substantive discussions also on…
Փետրվարի 7-ին Ադրբեջանում կայացած նախագահական արտահերթ ընտրություններում գործող նախագահ Իլհամ Ալիևը ստացել է ընտրությանը մասնակցածների մոտ 93 տոկոսի քվեն։ Ինքը՝ Ալիևը, քվեարկել է հայերից էթնիկապես զտված Լեռնային Ղարաբաղում՝ Ստեփանակերտում։
Ընտրություններն անցել են լցոնումներով, կուտակումներով, լրագրողների, դիտորդների գործունեության խոչընդոտների բազմաթիվ դեպքերով։
Պատմություններ
