Ռուսաստանի հարևաններն անհանգստացած են նրա սպառնալից հռետորաբանությունից․ Պետդեպ
Civilnet
Հայաստանի և Մոլդովայի հասցեին Մոսկվայի հռետորաբանությունը ապակայունացնում է իրավիճակը տարածաշրջանում։ Այդ մասին մարտի 5-ին հայտարարել է ԱՄՆ պետքարտուղարության խոսնակ Մեթյու Միլլերը՝ պատասխանելով ադրբեջանական «Թուրան» գործակալության հարցին։
«Մենք տեսնում ենք, որ Ռուսաստանի կառավարության նման հռետորաբանությունը ապակայունացնում է իրավիճակը տարածաշրջանում։ Հենց այդ պատճառով է, որ Ռուսաստանի հարևաններն անհանգստացած են ՌԴ կառավարության սպառնալից հռետորաբանությունից և սպառնալից գործողություններից»,- հայտարարել է ԱՄՆ պետքարտուղարության խոսնակը։
Անցած շաբաթ Ռուսաստանի արտգոծնախարար Սերգեյ Լավրովը հայտարարել էր, որ Երևանի հայտարարությունները Մոսկվային ստիպում են հետևություններ անել սեփական քայլերը պլանավորելիս։ Մոլդովայի վերաբերյալ էլ Լավրովը ասել էր՝ Արևմուտքը «ձգտում է վերահսկողության տակ առնել Մոլդովայի ղեկավարությանը Ուկրաինայի օրինակով»։
Պատմություններ
