Մհեր Գրիգորյանն և Լուիս Բոնոն քննարկել են հայ-ադրբեջանական կարգավորման գործընթացը

Փոխվարչապետ Մհեր Գրիգորյանն ընդունել է Կովկասյան բանակցությունների հարցերով ԱՄՆ պետքարտուղարի ավագ խորհրդական, ԵԱՀԿ Մինսկի խմբի ամերիկացի համանախագահ Լուիս Բոնոյին:

«Հանդիպման ընթացքում զրուցակիցները քննարկել են տարածաշրջանային զարգացումները, այդ թվում՝ անդրադառնալով Հայաստան-Ադրբեջան հարաբերությունների կարգավորման գործընթացին ու վերջինիս շարունակականության ապահովման կարևորությանը»,- ասված է հաղորդագրությունում։

***

Ապրիլի 19-ին հայ-ադրբեջանական սահմանին տեղի էր ունեցել երկու երկրների սահմանազատման հանձնաժողովների ութերորդ հանդիպումը, որի արդյունքում կողմերը նախնական համաձայնեցրել էին Տավուշի մարզի չորս գյուղերի հատվածները։ Մայիսի 15-ին սահմանազատման հանձնաժողովների իններորդ հանդիպմանը ստորագրվել էր չորս գյուղերի միջև սահմանագծի հատվածների համատեղ կազմված արձանագրությունը։ Հանձնաժողովները համատեղ հաղորդագրությունում ասված էր, որ Հայաստանի Բաղանիս, Ադրբեջանի Բաղանիս-Այրում, Հայաստանի Ոսկեպար, Ադրբեջանի Աշաղը Ասկիպարա, Հայաստանի Կիրանց, Ադրբեջանի Խեյրեմլի, Հայաստանի Բերքաբեր, Ադրբեջանի Կըզըլ Հաջիլի գյուղերի հատվածներում սահմանի նկարագրություն-արձանագրությունները համաձայնեցվել են ԽՍՀՄ Զինված ուժերի Գլխավոր շտաբի 1976-ի իրավական հիմք ունեցող քարտեզների հիման վրա:

https://civilnet.am/news/777460/%d5%a1%d5%ac%d5%a5%d5%b6-%d5%bd%d5%ab%d5%b4%d5%b8%d5%b6%d5%b5%d5%a1%d5%b6%d5%a8-%d5%b9%d5%ab-%d5%a2%d5%a1%d6%81%d5%a1%d5%bc%d5%b8%d6%82%d5%b4-%d5%b8%d6%80-%d5%a1%d5%b5%d5%ac-%d5%b0%d5%a1%d5%bf%d5%be%d5%a1%d5%ae%d5%b6%d5%a5%d6%80%d5%b8%d6%82%d5%b4-%d5%bd%d5%a1%d5%b0%d5%b4%d5%a1%d5%b6%d5%a1%d5%a6%d5%a1%d5%bf%d5%b8%d6%82%d5%b4%d5%a8-%d5%b7%d5%a1%d6%80%d5%b8%d6%82%d5%b6%d5%a1%d5%af%d5%be%d5%ab-1976-%d5%ab-%d6%84%d5%a1%d6%80%d5%bf%d5%a5%d5%a6%d5%b6%d5%a5%d6%80%d5%b8%d5%be/