ԵՄ առաքելության ղեկավարն այցելել է Սև լիճ

Հայաստանում ԵՄ առաքելության ղեկավար Մարկուս Ռիտերն այցելել է Սև լիճ, հայտնում է առաքելության X-ի էջը։

«Առաքելության ղեկավար Մարկուս Ռիտերը մայիսի 29-ին Գորիսում հանդիպել է Հայաստանում ԵՄ առաքելության անձնակազմի հետ: Թիմը այցելել է նաև Հայաստանի և Ադրբեջանի սահմանին գտնվող Սև լիճ»,- ասված է հայտարարությունում։

Մինչ օրս ԵՄ առաքելության Հայաստանում իրականացրել է ավելի քան 2 300 պարեկություն։

Head of Mission Markus Ritter met with EUMA staff in Goris yesterday. The team also visited Lake Sev located on the border between Armenia and Azerbaijan. To date, EUMA has conducted over 2300 patrols. ???? pic.twitter.com/ojazHM9Wcw

— European Union Mission in Armenia (@EUmARMENIA) May 30, 2024

2023-ի հունվարի 23-ին Եվրամիության նախարարների խորհուրդում համաձայնություն էր ձեռք բերվել Հայաստան ԵՄ քաղաքացիական առաքելություն ուղարկելու վերաբերյալ։ Առաքելության նպատակը Հայաստանի սահմանամերձ շրջաններում կայունություն ապահովելն է և Հայաստանի ու Ադրբեջանի հարաբերությունների կարգավորմանն ուղղված ԵՄ ջանքերին նպաստող միջավայր ստեղծելը։ ԵՄ առաքելությունը, որի կազմում ընդգրկված է 209 դիտորդ, նախնական լինելու է երկու տարի ժամկետով։

https://civilnet.am/news/771263/%d6%84%d5%b6%d5%b6%d5%a1%d6%80%d5%af%d5%b8%d6%82%d5%b4-%d5%a5%d5%b6%d6%84-%d5%a5%d5%b4-%d5%a1%d5%bc%d5%a1%d6%84%d5%a5%d5%ac%d5%b8%d6%82%d5%a9%d5%b5%d5%a1%d5%b6-%d5%aa%d5%a1%d5%b4%d5%af%d5%a5%d5%bf%d5%a8-%d6%87%d5%bd-%d5%a5%d6%80%d5%af%d5%b8%d6%82-%d5%bf%d5%a1%d6%80%d5%b8%d5%be-%d5%a5%d6%80%d5%af%d5%a1%d6%80%d5%a1%d6%81%d5%b6%d5%a5%d5%ac%d5%b8%d6%82-%d5%b0%d5%a1%d6%80%d6%81%d5%a8%e2%80%a4-%d6%83%d5%a1%d5%b7%d5%ab%d5%b6%d5%b5%d5%a1%d5%b6/

2021-ի մայիսի 12-ին Ադրբեջանի զինված ուժերի զինծառայողները՝ «սահմանազատման» պատրվակով, հատել էին Հայաստանի պետական սահմանը և Սև լիճը պարփակելուն ուղղված գործողություններ արել: Հայաստանը՝ Ադրբեջանի սադրանքին ի պատասխան, պաշտոնապես դիմել է ՀԱՊԿ-ին և հայտարարել, որ կիրականացնի անհրաժեշտ գործողություններն իր տարածքային ամբողջականությունը վերականգնելու համար։ Ադրբեջանի զինված ուժերի կողմից հայ-ադրբեջանական սահմանին 2021-ի մայիսին իրականացված սադրանքներից հետո ստեղծված իրադրությունը մինչ օրս փոփոխություն չի կրել։