Փաշինյանն ու Մոդին ընդգծել են հայ-հնդկական համագործակցության զարգացման կարևորությունը

Տեղի է ունեցել վարչապետ Նիկոլ Փաշինյանի հեռախոսազրույցը Հնդկաստանի վարչապետ Նարենդրա Մոդիի հետ։ Վարչապետի աշխատակազմից հայտնում են, որ Փաշինյանը շնորհավորել է խորհրդարանական ընտրություններում Նարենդրա Մոդիի գլխավորած Ազգային ժողովրդավարական դաշինքի հաղթանակի առիթով:

«Զրուցակիցները կարևորել են 2019-ին Նյու Յորքում իրենց ունեցած երկկողմ հանդիպումից հետո Հայաստանի և Հնդկաստանի միջև համագործակցության տեսանելի ընդլայնումը: Նիկոլ Փաշինյանը և Նարենդրա Մոդին ընդգծել են երկու երկրների միջև համագործակցության հետագա զարգացման կարևորությունը»,- ասված է հաղորդագրությունում։

Նշվում է, որ Հնդկաստանի վարչապետը զորակցություն է հայտնել Լոռու և Տավուշի մարզերում տեղի ունեցած հեղեղումների կապակցությամբ:

https://civilnet.am/news/780769/%d5%b4%d5%b8%d5%a4%d5%ab%d5%ab-%d5%a1%d6%80%d5%bf%d5%a1%d6%84%d5%ab%d5%b6-%d6%84%d5%a1%d5%b2%d5%a1%d6%84%d5%a1%d5%af%d5%a1%d5%b6%d5%b8%d6%82%d5%a9%d5%b5%d5%a1%d5%b6-%d5%bf%d5%a1%d5%bd%d5%a8-%d5%bf%d5%a1%d6%80%d5%ab%d5%b6%e2%80%a4-%d5%b8%d5%9e%d6%82%d6%80-%d5%a7-%d5%b6%d5%a1%d5%b5%d5%b8%d6%82%d5%b4-%d5%b0%d5%b6%d5%a4%d5%af%d5%a1%d5%bd%d5%bf%d5%a1%d5%b6%d5%a8/