Փաշինյանը ԱՄՆ պետքարտուղարի տեղակալի հետ քննարկել է խաղաղության պայմանագրի, սահմանազատման հարցերը

Վարչապետ Նիկոլ Փաշինյանն ընդունել է ԱՄՆ պետքարտուղարի տեղակալ Ռիչարդ Վերմային։ Վարչապետի աշխատակազմից հայտնում են, որ հանդիպմանը քննարկվել են այս տարվա ապրիլի 5-ին Բրյուսելում կայացած Հայաստան-ԵՄ-ԱՄՆ բարձր մակարդակի հանդիպմանը ձեռք բերված պայմանավորվածությունների իրականացմանը վերաբերող հարցեր:

«Վարչապետը կարևորել է Հայաստան-ԱՄՆ ռազմավարական երկխոսության հետևողական զարգացումն ու բազմաոլորտ համագործակցության խորացումը: Նիկոլ Փաշինյանը նշել է, որ այցը կնպաստի երկկողմ հարաբերությունների օրակարգային հարցերի, ժողովրդավարության ամրապնդման և տնտեսական զորեղացմանը միտված ծրագրերի, ինչպես նաև տեղական ինքնակառավարման մակարդակում հարաբերությունների ընդլայնմանը: Ռիչարդ Վերման շեշտել է ԱՄՆ պատրաստակամությունը՝ ամրապնդելու համագործակցությունը Հայաստանի հետ տարբեր ուղղություններով, այդ թվում՝ տեղական մարմինների և համայնքների միջև, ինչպես նաև տնտեսության, կրթության և այլ ոլորտներում»,- ասված է հաղորդագրությունում։

Փաշինյանն ու Վերման մտքեր են փոխանակել նաև Հայաստան-Ադրբեջան խաղաղության պայմանագրի շուրջ քննարկումների, սահմանազատման գործընթացի, «Խաղաղության խաչմերուկ» նախագծի, ԼՂ-ից բռնի տեղահանված անձանց բնակարանային ապահովման ծրագրի շուրջ:

https://civilnet.am/news/782307/%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%ab-%d5%b0%d5%a5%d5%bf-%d5%bc%d5%a1%d5%a6%d5%b4%d5%a1%d5%be%d5%a1%d6%80%d5%a1%d5%af%d5%a1%d5%b6-%d5%a3%d5%b8%d6%80%d5%ae%d5%a8%d5%b6%d5%af%d5%a5%d6%80%d5%b8%d6%82%d5%a9%d5%b5%d5%b8%d6%82%d5%b6%d5%a8-%d5%af%d5%a1%d6%80%d6%87%d5%b8%d6%80-%d5%a7-%d5%a1%d5%b4%d5%b6-%d5%ab-%d5%b0%d5%a1%d5%b4%d5%a1%d6%80%e2%80%a4-%d5%ba%d5%a5%d5%bf%d6%84%d5%a1%d6%80%d5%bf%d5%b8%d6%82%d5%b2%d5%a1%d6%80%d5%ab-%d5%bf%d5%a5%d5%b2%d5%a1%d5%af%d5%a1%d5%ac/