Կառավարությունը 327 մլն դրամ սուբսիդիա կտրամադրի «Հարավկովկասյան երկաթուղիներին»

Հայաստանի կառավարությունը 332 միլիոն դրամի չափով սուբսիդիա կտրամադրի ռուսական «Հարավկովկասյան երկաթուղիներ» ընկերությանը։ Համապատասխան որոշման նախագիծը ներառված է կառավարության հունիսի 20-ի նիստի օրակարգում։ 

Ըստ որոշման հիմնավորման՝ երկաթուղիները ռուսական ընկերությանը հանձնելու կոնցեսիոն պայմանագրի կետերով՝ պետությունը սուբսիդավորում է  ուղևորափոխադրումների տարեկան վնասը՝ անկախ աուդիտորի կողմից այդ վնասների հաստատված հաշվարկների ներկայացման պարագայում: Սուբսիդիայի համաձայնեցված չափը կազմում է 2009-2010 թվականներին` 10 տոկոս, 2011-2012 թվականներին` 15 տոկոս, 2013 թվականին` 20 տոկոս, 2014-2015 թվականներին` 25 տոկոս, 2016 թվականից մինչև 2038 թվականը` 30 տոկոս:

Ըստ որոշման՝ սուբսիդիայի ընդհանուր ծավալը կազմել է ավելի քան 332 միլիոն դրամ, բայց քանի որ բյուջեով նախատեսվել է 327-ը, մնացած 5,1 միլիոնը ձևակերպվել է որպես կրեդիտորական պարտք։ 

https://civilnet.am/news/780095/%d5%ac%d5%b8%d5%bc%d5%ab%d5%b8%d6%82%d5%b4-%d5%bb%d6%80%d5%b0%d5%a5%d5%b2%d5%a5%d5%b2%d5%ab-%d5%b0%d5%a5%d5%bf%d6%87%d5%a1%d5%b6%d6%84%d5%b8%d5%be-%d5%a5%d6%80%d5%af%d5%a1%d5%a9%d5%b8%d6%82%d5%b2%d5%b8%d6%82-%d5%a1%d5%be%d5%a5%d6%80%d5%be%d5%a1%d5%ae-%d5%b0%d5%a1%d5%bf%d5%be%d5%a1%d5%ae%d5%b6%d5%a5%d6%80%d5%ab%d6%81-%d5%a5%d6%80%d5%af%d5%b8%d6%82%d5%bd%d5%a8-%d5%be%d5%a5%d6%80%d5%a1%d5%af%d5%a1%d5%b6%d5%a3%d5%b6%d5%be%d5%a5%d5%ac-%d5%a5%d5%b6%e2%80%a4-%d5%b0%d5%a1%d6%80%d5%a1%d5%be%d5%af%d5%b8%d5%be%d5%af%d5%a1%d5%bd%d5%b5%d5%a1%d5%b6-%d5%a5%d6%80%d5%af%d5%a1%d5%a9%d5%b8%d6%82%d5%b2%d5%ab/