Փաշինյանի գլխավորությամբ տեղի է ունեցել Անվտանգության խորհրդի նիստ

Վարչապետ Նիկոլ Փաշինյանի գլխավորությամբ տեղի է ունեցել Անվտանգության խորհրդի հերթական նիստը, հայտնում են վարչապետի աշխատակազմից։

«Նիստի ընթացքում քննարկվել են Զինված ուժերի ընթացիկ բարեփոխումների և միասնական կառավարման ավտոմատացված համակարգի, ինչպես նաև կենսաբանական անվտանգությանն առնչվող հարցեր»,- ասված է հաղորդագրությունում։

Զինված ուժերում ընթացող բարեփոխումներին Նիկոլ Փաշինյանն անդրադարձել էր այս տարվա հունվարի 28-ին՝ բանակի հիմնադրման 32-րդ տարեդարձի միջոցառման ժամանակ։ Վարչապետը խոսել էր պրոֆեսիոնալ բանակի, զորակոչի ընթացքում առկա խնդիրների, կանանց կամավոր-պարտադիր զինծառայության մոդելի, մարտունակ պահեստազոր ունենալու, սպայական ավագ դպրոցի, նոր ու ժամանակակից սպառազինության ձեռքբերման և ՀՀ ռազմարդյունաբերական համալիրում ներդրումների մասին։

https://civilnet.am/news/654096/%d5%af%d5%a5%d5%b6%d5%bd%d5%a1%d5%a2%d5%a1%d5%b6%d5%a1%d5%af%d5%a1%d5%b6-%d5%a6%d5%a5%d5%b6%d6%84%d5%ab-%d5%bc%d5%b8%d6%82%d5%bd%d5%a1%d5%af%d5%a1%d5%b6-%d5%a9%d5%a5%d5%a6%d5%a8%d5%9d-%d5%b8%d6%82%d5%af%d6%80%d5%a1%d5%ab%d5%b6%d5%a1%d5%b5%d5%ab%d6%81-%d5%b0%d5%a1%d5%b5%d5%a1%d5%bd%d5%bf%d5%a1%d5%b6/