Որևէ ուժ չի կարող խզել Հայաստանի և Իրանի կապը․ Արմեն Գրիգորյանը՝ Իրանի դեսպանին

Անվտանգության խորհրդի քարտուղար Արմեն Գրիգորյանը Հայաստանում Իրանի դեսպան Մեհդի Սոբհանիի հետ հանդիպմանն ասել է, որ «որևէ ուժ չի կարող խզել Իրանի և Հայաստանի տարածքային կապը»։

«Անվտանգության խորհրդի քարտուղարն ընդգծել է, որ Հայաստանի և Իրանի սահմանը խաղաղության, բարեկամության ու խաղաղ համակեցության սահմանն է: Հայաստանը հատուկ կարևորություն է տալիս Իրանի հետ հարաբերություններին, և որևէ ուժ չի կարող խզել Իրանի և Հայաստանի տարածքային կապը։ Անվտանգության խորհրդի քարտուղարն ընդգծել է, որ ցանկացած ապաշրջափակում կլինի Հայաստանի ներքին ինստիտուտների վերահսկողության և երկրի ազգային և տարածքային սուվերենության ներքո»,- ասված է Իրանի դեսպանատան տարածած հաղորդագրության մեջ։ 

Մեհդի Սոբհանին Արմեն Գրիգորյանի հետ հանդիպմանն ընդգծել է Իրանի դիրքորոշումը` ցանկացած աշխարհաքաղաքական փոփոխությանը դեմ լինելու և հարևանների տարածքային ամբողջականությանն աջակցելու վերաբերյալ։ Հայաստանի ԱԽ քարտուղարը շնորհակալություն հայտնել Իրանի դիրքորոշման կապակցությամբ։

. دبیر شورای امنیت ملی ارمنستان: مرز ارمنستان و ایران مرز صلح و دوستی است و هیچ نیرویی نمی تواند آن را قطع کند. #مهدی_سبحانی سفیر #جمهوری_اسلامی_ایران در #ارمنستان با آرمن گریگوریان دبیر شورای امنیت ملی ارمنستان دیدار و گفتگو کرد. در این دیدار سفیر جمهوری اسلامی ایران موضع…

— IRI Embassy in Armenia (@iraninyerevan) September 9, 2024

https://civilnet.am/news/796023/%d5%b8%d6%80%d6%87%d5%a7-%d5%bd%d5%ba%d5%a1%d5%bc%d5%b6%d5%a1%d5%ac%d5%ab%d6%84-%d5%b4%d5%a5%d6%80-%d5%b0%d5%a1%d6%80%d6%87%d5%a1%d5%b6%d5%b6%d5%a5%d6%80%d5%ab-%d5%bf%d5%a1%d6%80%d5%a1%d5%ae%d6%84%d5%a1%d5%b5%d5%ab%d5%b6-%d5%a1%d5%b4%d5%a2%d5%b8%d5%b2%d5%bb%d5%a1%d5%af%d5%a1%d5%b6%d5%b8%d6%82%d5%a9%d5%b5%d5%a1%d5%b6%d5%a8-%d5%af%d5%a1%d6%80%d5%b4%d5%ab%d6%80-%d5%a3%d5%ab%d5%ae-%d5%a7-%d5%ab%d6%80%d5%a1%d5%b6%d5%ab-%d5%b0%d5%a1%d5%b4%d5%a1%d6%80%e2%80%a4-%d5%a1%d6%80%d5%a1%d5%b2%d5%b9%d5%ab/