Civilnet
Հարավային Օսիան Դոնեցկի ռուսական օկուպացիոն իշխանությունների հետ ստորագրել է «երիտասարդական քաղաքականության համագործակցության համաձայնագիր»՝ խոստանալով համատեղ միջոցառումներ անցկացնել և զարգացնել երիտասարդական հարաբերությունները։
Երկուշաբթի Հարավային Օսիայի երիտասարդական քաղաքականության և սպորտի կոմիտեն հայտնել է, որ իրենք մտադիր են համատեղ միջոցառումներ անցկացնել և կապեր հաստատել ու զարգացնել Ռուսաստանի գրաված Դոնեցկի Ժողովրդական Հանրապետության միջև:
Կոմիտեն հայտարարել է, որ փոխնախագահ Անդրեյ Օտտաևը հանդիպել է Դոնեցկի երիտասարդական քաղաքականության նախարար Կիրիլ Մակարովի հետ՝ համաձայնագիրը ստորագրելու համար։
Տելեգրամյան Donbas Reshaet ալիքի հրապարակած տեսանյութում երևում է, թե ինչպես են երկու պաշտոնյաները ստորագրում հուշագիրը: Ալիքը հաղորդել է, որ համաձայնագիրը ենթադրում է համատեղ կոնգրեսների, կոնֆերանսների, սեմինարների, փառատոների և ֆորումների անցկացում։
Հաղորդվում է, որ այն նաև կօգնի Հարավային Օսիայի և Դոնբասի միջև «երիտասարդական զբոսաշրջության» խթանմանը «մշակութային և հանգստի միջոցառումների» միջոցով:
«Սպուտնիկ Հարավային Օիա» կայքը՝ ռուսական պետական լրատվական գործակալության տեղական մասնաճյուղը, հաղորդում է, որ այս քայլը տեղի է ունենում Ազովի ծովի ափին «Դոնբասի երիտասարդների մեծ ֆորումի» ֆոնին, որտեղ, ըստ նրանց, երիտասարդներ են եղել Հարավային Օսիայից:
Հաղորդվում է, որ միջոցառմանը մասնակցել է «500 երիտասարդ ակտիվիստ» Ուկրաինայի Դոնեցկի, Լուգանսկի, Խերսոնի, Զապորոժիայի, Ղրիմի և Խարկովի, ինչպես նաև Ռուսաստանի սահմանամերձ Բելգորոդի, Վորոնեժի, Կուրսկի և Ռոստովի շրջաններից ու Հարավային Օսիայից։
Ռուսաստանի նախագահ Վլադիմիր Պուտինին և երեխաների իրավունքների հանձնակատար Մարիա Լվովա-Բելովային Միջազգային քրեական դատարանը մեղադրել է օկուպացված Ուկրաինայից երեխաների ապօրինի արտաքսման և տեղափոխման համար ռազմական հանցագործության մեջ:
Պատմություններ
