Սեպտեմբերի 26-ին կկայանա Միրզոյան-Բլինքեն-Բայրամով եռակողմ հանդիպումը

Վաղը Նյու Յորքում կկայանա Միրզոյան-Բլինքեն-Բայրամով եռակողմ հանդիպումը, հայտնում է Հայաստանի ԱԳՆ մամուլի քարտուղար Անի Բադալյանը։

«Սեպտեմբերի 26-ին Նյու Յորքում կկայանա Հայաստանի արտաքին գործերի նախարար Արարատ Միրզոյանի, ԱՄՆ պետքարտուղար Էնթոնի Բլինքենի և Ադրբեջանի արտգործնախարար Ջեյհուն Բայրամովի եռակողմ հանդիպումը»,- տեղեկացրել է Բադալյանը։

ԱՄՆ-ի միջնորդությամբ Հայաստանի և Ադրբեջանի ԱԳՆ ղեկավարները վերջին անգամ հանդիպել էին 2024-ի հուլիսի 10-ին՝ ՆԱՏՕ-ի գագաթնաժողովի շրջանակում։

Մոտ երկու շաբաթ առաջ ԱՄՆ պետքարտուղարը հեռախոսազրույցներ էր ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ, որոնց ընթացքում քննարկվել էին խաղաղության գործընթացին վերաբերող հարցեր։