Հայաստանի և Իրանի արտգործնախարարները քննարկել են ապաշրջափակման հարցը

Սեպտեմբերի 26-ին Նյու Յորքում Հայաստանի արտաքին գործերի նախարար Արարատ Միրզոյանը հանդիպում է ունեցել Իրանի իր պաշտոնակից Սեյեդ Աբբաս Արաղչիի հետ, հայտնում է ՀՀ արտգործնախարարությունը։

Միրզոյանն ու Արաղչին անդրադարձ են կատարել տարածաշրջանային տնտեսական ու տրանսպորտային կապուղիների ապաշրջափակման հարցերին։

«Հարավային Կովկասում հարատև խաղաղության հաստատման համատեքստում Արարատ Միրզոյանը ներկայացրել է Ադրբեջանի հետ խաղաղության պայմանագրի կնքման ուղղությամբ վերջին քննարկումները։ Նախարար Միրզոյանն ընդգծել է Հայաստանի ամուր քաղաքական կամքը տարածաշրջանում հասնելու հարատև խաղաղության և այս համատեքստում կարևորել տարածքային ամբողջականության և ինքնիշխանության անվերապահ հարգման առնչությամբ Իրանի կողմից ամենաբարձր մակարդակում արտահայտված դիրքորոշումը»,- նշված է հաղորդագրությունում։

https://civilnet.am/news/796023/%d5%b8%d6%80%d6%87%d5%a7-%d5%bd%d5%ba%d5%a1%d5%bc%d5%b6%d5%a1%d5%ac%d5%ab%d6%84-%d5%b4%d5%a5%d6%80-%d5%b0%d5%a1%d6%80%d6%87%d5%a1%d5%b6%d5%b6%d5%a5%d6%80%d5%ab-%d5%bf%d5%a1%d6%80%d5%a1%d5%ae%d6%84%d5%a1%d5%b5%d5%ab%d5%b6-%d5%a1%d5%b4%d5%a2%d5%b8%d5%b2%d5%bb%d5%a1%d5%af%d5%a1%d5%b6%d5%b8%d6%82%d5%a9%d5%b5%d5%a1%d5%b6%d5%a8-%d5%af%d5%a1%d6%80%d5%b4%d5%ab%d6%80-%d5%a3%d5%ab%d5%ae-%d5%a7-%d5%ab%d6%80%d5%a1%d5%b6%d5%ab-%d5%b0%d5%a1%d5%b4%d5%a1%d6%80%e2%80%a4-%d5%a1%d6%80%d5%a1%d5%b2%d5%b9%d5%ab/