Civilnet
«Սիոնիստական ռեժիմի ագրեսիաններին ուղղված վճռական հարվածը տրվել է օրինական իրավունքների հիման վրա, խաղաղության հաստատման, Իրանի ու տարածաշրջանի անվտանգության նպատակով»,- հայտարարել է Իրանի նախագահ Մասուդ Փեզեշքիանը X սոցիալական հարթակում արված գրառմամբ։
بر اساس حقوق مشروع و با هدف صلح و امنیت برای ایران و منطقه، پاسخ قاطع به تجاوزات رژیم صهیونیستی داده شد. این اقدام در دفاع از منافع و اتباع ایرانی بود. نتانیاهو بداند، ایران جنگطلب نیست اما در برابر هر تهدیدی قاطعانه میایستد. این تنها گوشهای از توان ماست. با ایران وارد درگیری…
— Masoud Pezeshkian (@drpezeshkian) October 1, 2024
«Այս քայլը ի պաշտպանություն Իրանի շահերի և քաղաքացիների էր։ Նեթանյահուն թող իմանա, որ Իրանը հետաքրքրված չէ պատերազմով, սակայն վճռականորեն կարձագանքի ցանկացած սպառնալիքի։ Սա միայն մեր ուժերի [ցուցադրության] մի մասն է, Իրանի հետ հակամարտության մեջ մի՛ մտեք»,- գրել է նա։
Իրանն այսօր հայտարարել է, որ տասնյակ բալիստիկ հրթիռներ է արձակել Իսրայելի կարևոր ռազմական և անվտանգության օբյեկտների ուղղությամբ՝ ի պատասխան Գազայի և Լիբանանի բնակիչների, ինչպես նաև ՀԱՄԱՍ-ի, Հեզբոլլահի և Իսլամական հեղափոխության պահապանների կորպուսի առաջնորդների և հրամանատարների զանգվածային սպանությունների:
Իսրայելական կողմը հաստատել է իրանական հարվածների փաստը՝ նշելով, որ իրենց ՀՕՊ-ը ոչնչացրել է հրթիռների մեծ մասը։
Ավելի վաղ Իսրայելը հայտարարել էր, որ իր զորքերը մտել են հարավային Լիբանան՝ «սահմանափակ» գործողության համար, սակայն Հեզբոլլահը հերքել է, որ իսրայելական ուժերն անցել են այդ տարածք:
Լիբանանի վարչապետ Նաջիբ Միքաթին ասել է, որ Լիբանանը կանգնած է «իր պատմության ամենավտանգավոր փուլերից մեկի առջև»:
Միևնույն ժամանակ, Իսրայելի հարձակումները շարունակվում են Գազայի հատվածում, որի հետևանքով երկու օրում զոհվել է առնվազն 29 պաղեստինցի։
Գազայում հոկտեմբերից ի վեր Իսրայելի հարձակումների հետևանքով զոհվել է մոտ 42,000 մարդ, վիրավորվել՝ մոտ 97,000-ը։
Իսրայելում 2023-ի հոկտեմբերի 7-ին ՀԱՄԱՍ-ի գլխավորած հարձակումների հետևանքով զոհվել է առնվազն 1139 մարդ, ավելի քան 200 մարդ՝ գերեվարվել։
Պատմություններ
