ԱՄՆ պետդեպի պատվիրակությունը Մարտունիում հանդիպել է Հայաստանում ԵՄ դիտորդներին

ԱՄՆ պետքարտուղարության պատվիրակությունը Մարտունիում հանդիպել է Հայաստանում Եվրամիության քաղաքացիական առաքելության դիտորդներին։

«Հայաստանում ԵՄ առաքելության դիտորդներն արժեքավոր տեղեկություններ տրամադրեցին վերջին զարգացումների և ընթացիկ աշխատանքի վերաբերյալ»,- ասված է առաքելության X-ի էջում։

Pleased to host a delegation from @usembarmenia and @StateDept ?? in Martuni today! #EUMA monitors provided valuable insights on the latest developments and our ongoing work on the ground. ???? pic.twitter.com/4wI4cPvyOt

— European Union Mission in Armenia (@EUmARMENIA) October 10, 2024

2023-ի հունվարի 23-ին Եվրամիության նախարարների խորհուրդում համաձայնություն էր ձեռք բերվել Հայաստան ԵՄ քաղաքացիական առաքելություն ուղարկելու վերաբերյալ։ Առաքելության նպատակը Հայաստանի սահմանամերձ շրջաններում կայունություն ապահովելն է և Հայաստանի ու Ադրբեջանի հարաբերությունների կարգավորմանն ուղղված ԵՄ ջանքերին նպաստող միջավայր ստեղծելը։ ԵՄ առաքելությունը, որի կազմում ընդգրկված է 209 դիտորդ, նախնական լինելու է երկու տարի ժամկետով։

2024-ի ապրիլին վարչապետ Նիկոլ Փաշինյանը հայտարարել է, որ քննարկվում է Հայաստանում ԵՄ առաքելության ժամկետը ևս երկու տարով երկարացնելու հարցը։