Civilnet
Տարածաշրջանային համագործակցության «3+3» ձևաչափի հերթական հանդիպումը կկայանա հոկտեմբերի 18-ին Ստամբուլում. այս մասին հայտարարել է Թուրքիայի արտգործնախարար Հաքան Ֆիդանը։
«Հարավային Կովկասում խաղաղությանը, կայունությանն ու համագործակցությանը միտված այս հարթակի երրորդ հանդիպումը հոկտեմբերի 18-ին կհյուրընկալենք մեր երկրում՝ Ստամբուլում։ Դրան կմասնակցեն Ադրբեջանի, Հայաստանի, Իրանի և Ռուսաստանի Դաշնության արտաքին գործերի նախարարները», - ասել է Ֆիդանը։
Դատելով Թուրքիայի արտգործնախարարի հայտարարությունից՝ այս անգամ ևս վերոնշյալ հարթակի աշխատանքներին չի մասնակցի Վրաստանը, որն իր այդ քայլը հիմնավորում է Ռուսաստանի հետ իր խնդիրներով։
Վերջին «3+3» հարթակի հանդիպումը տեղի է ունեցել 2023-ի հոկտեմբերի 23-ին Թեհրանում և նույնպես անցել է արտգործնախարարների մակարդակով։ Այնինչ, 2021-ի դեկտեմբերի 10-ին կողմերը հանդիպել էին Մոսկվայում փոխարտգործնախարարների մակարդակով։
Պատմություններ
