ԱԳՆ-ն դատապարտում է Իրանի դեմ հարվածները

Հայաստանի արտաքին գործերի նախարարությունը դատապարտել է Իրանի դեմ գործողությունները։

«Հայաստանը դատապարտում է միջազգային անվտանգությունը խաթարելուն ուղղված գործողությունները, որոնք արտահայտվել են նաև անցյալ շաբաթ Իրանի Իսլամական Հանրապետության դեմ գործողություններում։ Մենք խորապես մտահոգված ենք տարածաշրջանում տեղի ունեցող զարգացումներով։ Հուսով ենք, որ դիվանագիտությունը թույլ կտա պաշտպանել միջազգային իրավունքը և կանխել հետագա անցանկալի զարգացումները»,- նշված է ԱԳՆ X-ի էջում։

#Armenia condemns activities aimed at undermining int’l security expressed also in the actions against the Islamic Republic of #Iran last week. We are deeply concerned about developments in the wider region. We hope that diplomacy will enable protection of int’l law & prevention…

— MFA of Armenia?? (@MFAofArmenia) October 28, 2024

Իսրայելի պաշտպանության բանակը հոկտեմբերի 26-ի գիշերը հարվածներ էր հասցրել Իրանում ռազմական օբյեկտներին՝ ի պատասխան հոկտեմբերի 1-ին իրանական հարձակումների։ Իրանի վրա Իսրայելի հարձակումը սահմանափակվել է ռազմական թիրախներով և չի տարածվել միջուկային կամ նավթային օբյեկտների վրա։