ԱՄՆ-ն ողջունել է սահմանազատման կանոնակարգի պաշտոնականացումը

Միացյալ Նահանգները ողջունում է Հայաստանի և Ադրբեջանի սահմանազատման կանոնակարգի պաշտոնականացումը, հայտարարել է ԱՄՆ պետքարտուղարության մամուլի խոսնակ Մեթյու Միլերը: 

«ԱՄՆ-ն ողջունում է Հայաստանին և Ադրբեջանին՝ սահմանազատման կանոնակարգը պաշտոնականացնելու համար՝ ցույց տալով, որ առաջընթացը հնարավոր է կայուն երկխոսության միջոցով։ Մենք աջակցում ենք երկու կողմերի աշխատանքին՝ ուղղված տարածաշրջանում կայուն, արժանապատիվ խաղաղության հաստատմանը՝ հանուն տարածաշրջանի անվտանգության և բարգավաճման»,- X-ի իր էջում գրել է Միլերը:

The U.S. commends Armenia and Azerbaijan for formalizing the rules of procedure for border delimitation, demonstrating that progress is possible through sustained dialogue. We support both sides’ work towards a durable, dignified peace for security and prosperity in the region.

— Matthew Miller (@StateDeptSpox) October 31, 2024

Հոկտեմբերի 23-ին Հայաստանի խորհրդարանը վավերացրել է Հայաստանի և Ադրբեջանի սահմանազատման հանձնաժողովների գործունեության կանոնակարգը: ՀՀ նախագահը ևս ստորագրել է կանոնակարգը վավերացնելու մասին օրենքը: Հոկտեմբերի 25-ին Ադրբեջանի նախագահ Իլհամ Ալիևը հրամանագիր է ստորագրել սահմանազատման հանձնաժողովների կանոնակարգը հաստատելու մասին։