ՀՀ էկոնոմիկայի փոխնախարարն այցելել է Չաբահար նավահանգիստ

Հայաստանի էկոնոմիկայի նախարարի տեղակալ Նարեկ Հովակիմյանի գլխավորած պատվիրակությունն այցելել է Իրանի Չաբահար նավահանգիստ։ 

«Հայկական պատվիրակությունը շրջայց է կատարել նավահանգստում, ծանոթացել առկա հնարավորություններին և առևտրային հեռանկարներին»,- ասված է նախարարության տարածած հաղորդագրությունում։

Գերատեսչությունից հայտնում են, որ իրանցի պաշտոնյաները Նարեկ Հովակիմյանին ներկայացրել են նավահանգստի կարողություններն ու ենթակառուցվածքները։

«Նախարարի տեղակալը փաստել է, որ Հայաստանի կառավարությունը վարում է տնտեսության, այդ թվում նաև միջազգային հաղորդակցային ուղիների դիվերսիֆիկացման քաղաքականություն։ «Խաղաղության խաչմերուկ» նախագծի համատեքստում նա կարևորել է Չաբահար նավահանգստի դերն ու նշանակությունը»,- նշված է հաղորդագրությունում։

Հանդիպմանը մասնակցել են նաև Հայաստանից Իրան ժամանած մասնավոր ներդրողներ, որոնք իրենց հարցերն են ուղղել իրանական կողմին, ծանոթացել գործող պայմաններին, անդրադարձել հնարավոր համագործակցության հեռանկարներին։

https://civilnet.am/news/779216/%d5%b9%d5%a1%d5%a2%d5%a1%d5%b0%d5%a1%d6%80-%d5%b6%d5%a1%d5%be%d5%a1%d5%b0%d5%a1%d5%b6%d5%a3%d5%ab%d5%bd%d5%bf%d5%b6-%d5%b8%d6%82-%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%ab-%d5%b7%d5%a1%d5%b0%d5%a5%d6%80%d5%a8%e2%80%a4-%d5%a6%d6%80%d5%b8%d6%82%d5%b5%d6%81-%d5%a3%d5%b8%d5%b0%d5%a1%d6%80-%d5%ab%d5%bd%d5%af%d5%a1%d5%b6%d5%a4%d5%a1%d6%80%d5%b5%d5%a1%d5%b6%d5%ab-%d5%b0%d5%a5%d5%bf/ https://civilnet.am/news/776290/%d5%b0%d5%b6%d5%a4%d5%af%d5%a1%d5%bd%d5%bf%d5%a1%d5%b6%d5%b6-%d5%b8%d6%82-%d5%ab%d6%80%d5%a1%d5%b6%d5%b6-%d5%a1%d5%a6%d5%a4%d5%a1%d6%80%d5%a1%d6%80%d5%a5%d5%ac-%d5%a5%d5%b6-%d5%b9%d5%a1%d5%a2%d5%a1%d5%b0%d5%a1%d6%80%d5%ab-%d5%b6%d5%a1%d5%be%d5%a1%d5%b0%d5%a1%d5%b6%d5%a3%d5%bd%d5%bf%d5%ab-%d5%a6%d5%a1%d6%80%d5%a3%d5%a1%d6%81%d5%b4%d5%a1%d5%b6-%d5%ae%d6%80%d5%a1%d5%a3%d6%80%d5%ab-%d5%b4%d5%a5%d5%af%d5%b6%d5%a1%d6%80%d5%af%d5%a8/