Փաշինյանն ու Թրամփը քննարկել են տարածաշրջանային հարցեր

Տեղի է ունեցել վարչապետ Նիկոլ Փաշինյանի հեռախոսազրույցը ԱՄՆ ընտրված նախագահ Դոնալդ Թրամփի հետ, հայտնում են վարչապետի աշխատակազմից։

Ըստ հաղորդագրության՝ Փաշինյանն ու Թրամփը քննարկել են տարածաշրջանային օրակարգին վերաբերող հարցեր:

«Վարչապետ Փաշինյանը նախագահ Թրամփին շնորհավորել է ընտրություններում տարած հաղթանակի առիթով և նրան տեղեկություններ է փոխանցել Հայաստան-ԱՄՆ հարաբերություններում վերջին տարիներին տեղի ունեցած զարգացումների և ընթացիկ վիճակի մասին»,- նշված է հաղորդագրությունում։

Հանրապետական Դոնալդ Թրամփը հաղթել էր նոյեմբերի 5-ին Միացյալ Նահանգներում անցկացված նախագահական ընտրություններում։ Հաղթանակի կապակցությամբ Թրամփին հղած շնորհավորական ուղերձում Փաշինյանը համոզմունք էր հայտնել, որ ՀՀ-ԱՄՆ հարաբերություններն էլ ավելի կամրապնդվեն. «Կշարունակենք արձանագրել նորանոր ձեռքբերումներ՝ իրագործելով ռազմավարական գործընկերության մակարդակին հասնելու մեր տեսլականը»։

https://civilnet.am/news/804997/%d5%ab%d5%b6%d5%b9%d5%ba%d5%a5%d5%bd-%d5%af%d5%a1%d5%a6%d5%a4%d5%ab-%d5%a9%d6%80%d5%a1%d5%b4%d6%83%d5%ab-%d5%a5%d6%80%d5%af%d6%80%d5%b8%d6%80%d5%a4-%d5%aa%d5%a1%d5%b4%d5%af%d5%a5%d5%bf%d5%a8-%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%ab-%d5%a1%d6%80%d5%bf%d5%a1%d6%84%d5%ab%d5%b6-%d5%b4%d5%ab%d5%bb%d5%a1%d5%be%d5%a1%d5%b5%d6%80%d5%ab-%d5%be%d6%80%d5%a1/