2024-ի երրորդ եռամսյակում Հայաստանի ՀՆԱ-ն աճել է 5,2%-ով

2024-ի երրորդ եռամսյակում Հայաստանի համախառն ներքին արդյունքը (ՀՆԱ) կազմել է 2,738 տրլն դրամ՝ նախորդ տարվա նույն ժամանակահատվածի 2,574 տրլն դրամի համեմատ։ Նախորդ տարվա նույն ժամանակահատվածի նկատմամբ ՀՆԱ-ն աճել է 5,2%-ով։ ՀՆԱ-ի նախնական տվյալները ներկայացրել է Վիճակագրական կոմիտեն։

2024-ի բյուջեի նախագծով կանխատեսվում է ՀՆԱ-ի 4 տոկոս աճ՝ 10,516 տրլն դրամ։ Այս տարվա ինն ամիսներին համախառն ներքին արդյունքը կազմել է 6,951 տրլն դրամ։ 

2024-ի երրորդ եռամսյակում Հայաստանում մեկ շնչի հաշվով ՀՆԱ-ն կազմել է 894,000 դրամ (2306 դոլար) նախորդ տարվա նույն ժամանակահատվածի՝ 872,000 դրամի համեմատ։